Shillong, Jymmang 25: Ka Executive Committee jong ka Khasi Hills Autonomous District Council mynta ka sngi ka 24 tarik u Jymmang 2024 ka la rai ban ymshah shuh ia ki briew ba kin sah mit ha ki dukan ki ba don ha iew duh.
Iakane ka rai la shim ha ka jingialang ba la mih khmat da u syiem jong ka Hima Mylliem u Paim Ainam Manik Syiem bad ki nongialam jong ka Hynniewtrep Iewduh Association ha ka jing ia donlang ka EM jong ka tnad Market ka kong Grace .
Ha ba ioh ban ia kren bad ki nongthoh khubor u CEM ka KHADC u bah Pyniaid Singh Syiem u la ong ba hadien ka jingioh ba ki la don ka jingshah kyndang bad sha pynpra jong ki iing ki ba shong bad sah beain ha Lum survey ha kaba na ka liang ka KHADC ka la ioh ban khot Ia ka jingialang ba kyrpang bad ki nongialam shnong .
Ha kane ka jingialang la don lang ruh na ka liang jong ka district Administration bad kumjuh ruh bad ki borPulit ban iakren halor ka jingmih ki jingsniew ba bun rukom khamtam ia u drug.
Kumta ban bud dien ia kane ka jingialang na ka liang u CEM u la ioh ban shim ia ki kato katne ki rai ki ba don kam na ka bynta ka iewduh, ha ka jingialng ka la rai ban kan ym shah shuh iano iano ban shong ban sah hapoh iewduh, katba na ka bynta kito ki ba la ioh jingbit na ka Hima kin Ym lah shuh ban sah na duh ka 1 tarik u Jylliew 2024.
Kawei ka rai kalong ba baroh ki dukan ki ba don ha iewduh ki dei ban khang noh shiphew baje manla ka miet bad na ka lai u CEM u la pyntip ruh ba lada don kino kino ki bai a leh pyrshah na ka liang ka Council kan sa leh ia ka ba don kam kat kum ki kyndon ain jong ka Market Act jong ka Council.
U la ongruh ba kane ka jingshim ia ka rai kan longruh kum ban khang lad ia ki jingsniew ki ba mih hapoh iewduh la ka long ha ki kam khalai bad ki kam die drug bad kiwei kiwei.
U la ong ruh ba ka Council ka la rai ban phah 10 ngut ki pulit enforcement ban iarap ia ki 10 ki pulit jong u syiem ka Hima Mylliem ha ka ban pahara manla ka miet khnang ban iada na ka jingshah kyndang bad jingshah prong jong ki dukan ki ba don ha iewduh.
