Shillong, Nohprah 18: U President ka Khasi Authors Society u Dr. DRL Nonglait mynta ka sngi u la pynpaw ba ka seng kala don kam ban don ia ka ophis jong ka seng ha Shillong bad la ong ba kum ka seng kila phah da ka jingthoh sha ka sorkar ban pan ia ka jaka ban shna ia ka ophis jong ka Society.
Kumba ka long mynta ka sorkar kala ai ia ka jaka ban buh ia ka ophis jong ka seng hynrei ka dang long kaba rit, ka seng kala pan jaka ban shna ia ka ophis ha kane ka nongbah Shillong, ka sorkar kala dep ban ai shiakar ia ka seng A.Chick Literature Society ha Tura.
Ka KAS ka pynpaw ia ka jingsngewnguh ia ka sorkar ba kala ai ka jingithuh ia ka seng ba kan peit ia ka ktien khasi bad ka long ka sien kaba nyngkong ba ka sorkar ruh kala mang pisa na ka bynta ka jingtreikam ka seng, ha kine ki ar snem kim shym la lah ban leh ei ei na ka daw jong kane ka khlam COVID-19.
Haba phai sha ka Dikshonary Khasi kaba ka seng ka la pynkhreh bad ia kane kin sa pyndep hapoh ka lai snem, haba ia dei bad kane ka seng kala thaw ia ka committee ban peit ia kane ka kam bad ka kynhun ban wat bniah ia kane ka kam ban pynbit pynbiang ia ka Dikshonary.
La ong ba ha ka por ba sdang ia ka KAS ha u snem 1979 ka dei peit tang ia ki nonghikia kiba la thoh kot, hynrei mynta la wanrah ia ka jingkylla ha kaba ki don ki dkhot jong ka seng kiba la rung thymmai haduh mynta ki dang don ar ngut ki dkhot kiba don naduh ba sdang haduh mynta.
U President ka KAS la ong ba ha ki snem kiba la dep ki briew kim da tip bha ia ka, hynrei mynta ki briew kim da tip ia ki nongkit kam ka seng hynrei ki tip ia ka KAS bad kane ka long ka dur ka dar jong ka jaidbynriew, la ong u Dr.DRL Nonglait.
