Shillong, Jylliew 13: Ka Sorkar ka ong ba ka Roster kan iaid Shakhmat hynrei ka jingbuh jingkhien ha ka Roster Register naduh u snem 1972 ka thew ba ka roster kan dei ka na shadien, la ong ka KHNAM ka iaid dawa ba dei ban sdang na u number 1 ia baroh ki kam long ong u bah Thomas Passah.
U nongialam ka KHNAM ong ba u Conrad u shu pynkyllain da kaba ong “Continuous Process” tang ban pynbieit bad ialam bakla iaki political party bad seng bhalang ban ong ba kam dei shuh ka retrospective hynrei kiba kham shemphang hi ki sngewthuh ba kane kaba u pynkylla ruh ka dang dei hi ka retrospective roster system.
Ka KHNAM ka lyngoh ba ki seng UDP, HSPDP bad Congress ki ngop ha kane ka jingpynbeit ka NPP. Naduh ba sdang u myntri rangbah u la shu ong beit ba kadei ka continuous process bad ym don retrospective lane Prospective, hynrei ha ka political party meeting, haba ka seng ka buh jingkylli, “lada kamdei kata ka retrospective te kumno pat ka MPSC ha u bnai March 2023.
Ka pynmihiaki result hakaba 11 seat la ioh U Garo bad tang 5 seat la iohi U Khasi?”, bad ka sorkar ka la phla pat baha shwa u bnai May 23 ki Garo ki ioh bun namar kadei ka Retrospective hynrei ki la kular ban pynmih ia ka OM bathymmai ban pyntreikam noh Prospectively noh ia ka Roster.
Hynrei ki iohi ba u myntri rangbah haduh mynta u dang iai ong ba kadei ka continuous process bad ia ka data donkam ban shim jingkhien naduh u snem 1972.
U Conrad u ong ba iaki post ki bym don ne biang ki data ka roster point kan sdang na u number 1. Hynrei,ki tip ba baroh ki post kim biang data shuh haduh u 2022 namar ki result notifications jong ka MPSC, ki pyni ia ka jingkhien kiba naduh u snem 1972-2022.
Te namar kata ,ym don record kat nongut bad kiei kiba ioh na ka UR ne open,kiei kiba ioh na ka Khasi-Jaintia quota,kiei kiba ioh na ka Garo quota bad kiei kiba ioh na ka OST quota. Bad dei halor kane ka nongrim ba ka seng ka iai dawa ba dei beit ban sdang na u number 1 ia baroh khoi tki post.
