Shillong, Nailur 18: ka Deputy Commisisoner jong ka East Khasi Hills District mynta ka sngi kala pynmih ia ka jingpynbna ba ia ka korphiew miet kan sdang naduh ka por khyndait baje mynmeit bad kan kut ha ka por san baje mynstep hapoh ka District bad ha kane ka por ka khang ia ki paidbah ban iaid.
Ka jingplie ia ki dukan kan long hynriew sngi ha ka shitiew bad ka jingkhang ia ki baroh kan long ha ka por 6.30 baje jan miet, ki Restaurant, ki pata kyiad, ki jaka khap sniuh bad kiwei ki jaka kilan met kin khang ha ka por 8.00 baje mynmeit. Ki dukan die madan bad ki kin khang ha ka sngi u blei.
Ka jingiaid jong ki kali kamai bad ki kali jong ki riew shimet kan long katkum ka hukum kaba la pynmih haka 04/09/2021,iaki iew khappud la shah ban plie tang ba kan long katkum ka jinglong ha kito ki jaka da kaba ioh ia ka jingbit na ka ophis jong ka DC.
Haba ia dei bad ka jingleit sha ki jaka iap briew la shah haduh 50 ngut, na ka bynta ki jingiathoh hap ban ioh ia ka jingbit na ka ophis bad la shah 50 ngut ki briew ban ia shim bynta ha iing sah katba ha ki jaka khawai la shah lai bynta na ka jingngiam ka jaka bad kam dei ban palat ia ka 100 ngut.
