Shillong, Naitung 21: U myntri rangbah ka jylla Meghalaya u Conrad K Sangma la ong ba ka dei ka khana pateng ka ban sah kynmaw ha kane ka Ri India ba ia ka kam President la ioh ban bat da ka kynthei kaba dei na ka kynhun jaidbynriew riewlum.
Kane ka jingpyrkhat ka dei kaba la don teng la bun bun snem mynshuwa bad mynta kala urlong, kane ka kren shai ba kumno kane ka ri kaba khraw kala kiew sha phrang bad u myntri ranngbah ka jylla u ai khublei kyrpang ia baroh kiba la thep ia ka vote ban pynjop ia kane ka kam president.
U Conrad u la ai khublei kyrpang ia u myntri rangbah duh jong ka Ri India bad ia kiwei ki nongialam kiba la pynlong ia kane ka jingnangnud ban pynjop ia ka Droupadi Murmu kum ka president jong ka Ri India.
U Myntri Rangbah u la ong ba ha kane ka khyllipmat kala pynkynmaw ia u kpa jong u u Purno A Sangma u la bet ia kane ka rukum pyrkhat ban ki riew lum ruh kin sa poi ha kane ka kyrdan ha kane ka Ri India bad mynta ka sngi kala urlong.
U Conrad u la ong ba jinda u kpa jong u yn dang don un long u briew ba kmen tam, na ka liang jong u myntri rangbah ka jylla Meghalaya u la ai khublei ia baroh bad u kit bok ia ka President ban ialam ia ka Ri India.
