Shillong, Nohprah 16: KA UDP Youth Wing mynta ka sngi kala ioh ban pynhap pyrda noh iaka 1st knockout Football Tournament kaba la pynlong na duh ka 4 tarik u nohprah bad kaba la pynkut noh mynta ka sngi.
Ha kane sngi jong ka jing pynhap pyrda noh iakane ka Football Tournament la wan ban ia don bynta lang da u bah Kyrmen Shylla myntri ka sorkar jylla kum u kongsan ha ryngkat ka jing ia dong lang u bah Synshar Lyngdoh Thabah MLA kum u symbud kongsan.
U MLA ka Mawsynram Constituency u bah Olansingh Suin, u bah Pius Marwein MLA ka Ranikor, u bah Eugeneson Lyngdoh president Shillong Sports Assiciation bad kiwei kiwei pat ki MLA , MDC bad ki nongialam ba hakhmat jong ka UDP youth wing.
Kum ban shu pynkynmaw ka jing thmu jong ka seng UDP Youth wing ban pynlong ia kane ka Knockout Football Tournament ka long kum shibynta ban ialap pyrshah ia U drugs ha ka ban pyllaid ia ki samla na ka jing kyrni ha une u kynja jing dih pynbuaid ka ba long kat kum ka theme ka ba ki la buh “united against Drugs, deny Drugs, Embrace life.”
Ha ba ai jing kren ha kane ka sngi na ka liang u bah Kyrmen Shylla u la pynpaw ka jing kmen ia ka seng UDP bad kumjuh ruh ia u president ka seng u bah Metbah Lyngdoh u ba la ai ka jing kyrshan ia ka UDP youth wing ba kan pynlong ia kum kine ki jing ia leh kai ki ba lah ban wan rah ka jing myntoi ia ki khynnah samla bad kumjuh ruh ka long kum shibynta ha kaban pynlaid ia ki khunsamla na ki jingmlien ba sniew khamtam ha u Drugs.
U laong ruh ba na ka liang ka UDP Youth wing ka la rai ba kan pynlong bun kum kine ki jing ialeh kai ha ka ban long kum ka lad ia ki khun samla ba kin laid na u Drugs. U laban ruh ba ka jing jyllei jong u Drugs mynta u la poi wat shaduh ki nongkyndong ha kaba bun na ki long iing longsem kila hap ban mad ia ka jing sngewsih.
Ha ba phai sha kane ka jing ialeh kai na ka liang ka Maduh FC ka la ioh ban thep haduh 3kol lyngba u Terrence Jyrwa ha ka minute ba 57 bad 68 bad pynbud sa u Wanshan Sohtun ha ka minute ba 66. Katba na ka liang ka Trive Fc ka la ioh ban thep tang 1klol lyngba u M Shylla.
Hakane ka sngi la ioh ruh ban sam ia ki khusnam sha ki nongjop ha ka baia ka man of the Match la ioh ban rah da u Terrance Jyrwa na ka Maduh FC , ia kanam Top scorer la ioh ban rah da u Terrance Jyrwa na ka Maduh FC, ia ka nam Best Goalkeepeer la ioh ban rah da u M Suting, bad ia ka nam Players of the Tournament la ioh ban rah da u Aibanmame Nongneng.
