Tura, Lber 18: U nongialam jong ka seng Congress vice-president,u Rahul Gandhi mynta ka sngi ha ka jingwan jong u ha kane ka jylla Meghalaya ban ialap election na ka bynta kane ka MP kaban long ha u bnai ban wan u la ong ba ka jylla Meghalaya ka don kam ia ka lynti rel, ki kad liengsuin bad ia ki surok bad ka seng Congress ka kwah ban pyndep ia kine ki jingdon kam jong ki paidbah.
Ha kane ka kane ka jingialang paidbah ha Resubelpara ha North Garo Hills, u Rahul u la pynithuh sha ki paidbah ia u kyrtong jong ka seng Congress u Daryl William Momin u ban ia khun na ka 2-Tura Parliamentary Seat na kane ka jylla Meghalaya.
Ha ka jingkren ka jong u kaba la neh 30 minit u la ban jur ia ki kam kiba ka sorkar UPA ka leh na ka bynta kane ka jylla Meghalaya ha kaba kam shym la niew shiliang ia iano aino ruh.
U la ong ba ka jingai bor ia ki samla ka long ban wanrah ia ka jingkylla ha ka imlang sah lang bad ha ka synshar khaddar bad ka suk ka sain ha ka sain pyrthei. Haba ia dei bad ka jingshah pyniap jong u Nido dang shen ha Delhi u Rahul u la ong ba ka seng Congress ka ieng ba baroh ki nong India ki ia la kajuh.
Haba ia dei bad ki kam bamsap na ka liang jong u Rahul u la ong ba dei ka seng Congress ka la ba wanrah ia ka ain ha kaba ia dei bad ka RTI Act, kiwei ki nongialam jong ka seng Congress kiba na kane ka jylla kiba la ia don lang ki long u myntri rangbah ka jylla u Dr Mukul Sangma, ka Debora Marak, Salseng C Marak bad kiwei kiwei ki nongialam seng sain pyrthei.(SP News)
