Shillong, Jymmang 17: Ka jylla Meghalaya kam shym la ioh shuh ia ka Border Area Development skhim na ka tnad kam poh iing ka sorkar pdeng mynta la lai snem, katta naduh u snem mang tyngka 2021-2022, 2022-2023 bad 2023-2024, kane ka skhim ka dei kaba la juh pyntrei ha ki khappud bad ka Bangladesh.
Katkum ki thymmei khubor kiba u SP News Agency u la ioh, ka long ba naduh u snem mang tyngka 2020-2021 , ka tnad kam poh iing jong ka sorkar pdeng kam shym ma pdiang shuh ia ki skhim thymmai kiba la phah na ka jylla Meghalaya, mynta la lai snem lynter.
Kaei kaba ki pyntrei mynta ka long tang ia kito ki skhim kiba la sdang shuwa u snem mang tyngka 2020-2021, bad ka jingphah pisa na ka sorkar pdeng mynta ka long tang ban pyndep ia ki skhim kiba dang sah kiba la mang pisa shuwa u snem 2021.
Kaei kaba ki pyntrei mynta ki skhim kiba la mang pisa na ka sorkar jylla kiba la tip kum ki State skhim, ia ka Baibam ki khynnah samla pule kaba la tip kum ka Border Area Scholarship ia ki samla pule kiba dei na ki shnong kahppud bad ka Bangladesh la bei tyngka na ka sorkar jylla.
Ki thymmei khubor ki iathuh ba ki ophis jong kai BAD kiba don ha khapud kiba la shna mynta kila dun kam haduh katta katta namar ym don skhim mynta la lai snem bad ki ophis kila joit rathai namar kam biang ka jingsumar ia ki.
