Shillong, Rymphang 28: U Myntri Ra
ngbah ka jylla u Conrad K Sangma u la jubab ia ka jingiakren halor ka mang tyngka jong u snem 2024-2025 ha ka sngi ba ar hapoh ka iing dorbaw thawain ka jylla da kaba pyndon kam ia ki kor ki bor katkum kane ka juk kaba mynta ha kaba ka don ka jingia dei bad ki paidbah.
Kane ka dei ka rukom kaba thymmai ban ai jingtip sha ki paidbah da kaba jubab ia ki jingiatai halor ka mang tyngka lyngba ki kot ki bor katkum kane ka juk kaba mynta, ia kane ka jubab la pyni hapoh iing dorbar lyngba ki Telibishon kiba heh bad ia kane la pyni lyngba ki lai ai jingtip na ka Facebook, Youtube bad Assembly Chanel.
Kane ka jingjubab jong u myntri rangbah ka jylla kam dei tang ban ai ka jingtip kaba shai sha ki paidbah, hynrei ka dei ruh ka jingtip kaba la ai sha ki paidbah ia ka rukom trei kam jong ka sorkar kaei ka don ban leh ban poi sha ka thong bad ki paidbah kin tip ia ka mang tyngka.
Ha kane ka mang tyngka kaba mynta ka thong kaba ka sorkar kala buh ka long ban pynpoi iaka jylla ha ka ioh ka kot ka ban kot sha ka 10 billion tyngka bad ban pynmih ki kam haduh 5 lak tylli, kane ka mang tyngka kala kren ruh ia kaei kaba ka sorkar kan leh ha ki snem ban dang wan.
Na ka liang jong u Lamphrang ka iing dorkar thawian ka jylla u Thomas A Sangma u kwah ban iohi ba kane ka jingpyndon kam ia ki kor ki bor jong kane ka juk kaba mynta hapoh iing dorbar thawian ka jylla ha ka por pyniaid ia ka iing dorbar,
Ha kane ka dorbar mang tyngka kaba mynta ka jingsam ia ki kot kala kham duna bha namar ia ki kot ki sla kiba don kam la buh hapoh ka NeVA Website bad hapoh jong ka Meghalaya Legislative Assembly Website. Ka dei ka sien kaba nyngkong ba ia ka jingwanrah ia ka mang tyngka khlem da pule na ka kot.
Na ka liang jong ka Meghalaya Legislative Assembly kan dang ialeh ban dang pynbha shuh shuh ban pynlong ia ka jingpyniaid ia ka iing dorbar ba kan long khlem da pyndon kam kot, na ka liang jong ka Assembly Secretariat ka dang ialeh bab pynbha shuh shuh kane ka katkum ka kyrwoh bala phah na Assembly.
