Shillong, Nailur 07: Ka jingiap jong kawei ka samla kaba dang 16 snem karta ba na ka shnong Umlangka ka dang sah ha ka jingdum bad wat ki pulit ruh ki khlem pat lah ban pynshai wat tang ia ka daw jong ka jingiap wat hadien bala dep pyndep ia ka post mortan.
Kaei kaba la mih ha ki kotkhubor ba ki bor pulit ki la don kti ban pynjah ia ki sabut satar, ha kaba ki phah pyndam noh ia ki sms na ka mobile jong kawei ka para lok jong ka samla bala khlad, kumba la batai da kiba ha iing ka long kaba sngew phylla.
Ka seng ka dawa jur ba ki bor pulit kin shim khia bha halor kane ka jingjia, ban wad kloi noh ia ki jingshisha, namar ka jingpynslem na ka liang jong ka tnant pulit ka long ka jingai mynsiem ia kiriew shim kabu, kham tam ha ba mynta la iohi ia ka jingkiew kynsan ka jingshah ban bein,ka jingjah rngai jong ki kynthei ki long kmie. Ka seng ka kyntu ia ka myntri ka tand kam pohiing kaba ba dei hi ka long kmie, Ban shim khia kyrpang ban rad diengkhong ia kum kine ki jingsniew.
Sa shisien ka seng ka kyntu lang ia man ki iing kisem ban trei ryngkat ryngkat ban pynlong ia kane ka jylla ikaba shngain naka bynta ki kynthei ki longkmie bad da la lah ban leh kumta lah ban kop sarong ba ka dei ka ri tip briew tip blei. Kane ka long katkum ka kyrwoh bala phah da u Bah Thamas Passah president Youth Wing jong ka KHNAM.