Ka NPP ka hap ban husiar ioh ka shah klun ha ka BJP ong ki nongialam ka Congress

Shillong, Kyllalyngkot 19: Mynta ka sngi ki nongialam jong ka party Congress, ka Bobeeta Sharma bad u Mathew Anthony kiba dei ki National Media Coordinator  jong ka party kila pynsier ia ka party NPP ka hap ban husiar ioh ka shah klun ha ka party BJP.

Haba kren ha ki lat pathai khubor mynta ka sngi ha Congress Bhavan, u Mathew la ong ba ia la iohi na kaei kaba la dep ban jia ha ka jingiadei ka BJP bad ha Shiv Sena ha Maharashtra bad kaei kabala jia ha Tamilnadu, u Natish Kumar myntri rangbah ka jylla Bihar u la sngewthuh u sa ia khlad noh bad ka BJP.

Ka Bobeeta Sharman kala kdew ba u State President jong ka BJP u Ernest Mawrie u la kynnoh ba kane ka sorkar MDA kaba la ialam da ka NPP ka dei kaba bamsap, hynrei ka BJP ka khlem weng ialade na ka jingiatreilang bad ka sorkar, kane dei ka dak ba lada ka NPP kam husiar kan shah klun.

Haba phai sah ki seng riewlum ka Bobeeta kala ong ba don kam ia ki seng riewlum ba kin long kiba khlain, ka party Congress kala juh leh ia kane ban pynkhlain khlem da ktah  iaki katba ha ka BJP ka ialeh ban khanglad ia ki seng riewlum ban dang kiew.

Na ka liang jong ka party Congress shen kan sa pynlait paidbah ia ki kyrteng jong ki kyrtong bad khmih lynta ba ka congress kan jop bun bha ha kane ka kynti kaba mynta namar ka congress kala juh sei ia ki samla ban long ki nongialam bad mynta ka kynti ruh ka party congress kan sei ia ki nongialam ha kane ka jylla.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet