Shillong, Nailur, 04: Ka jingtrei iaka bynta kaba nyngkong jong ka New Shillong Water Supply Scheme kala iaid shakhmat bad kane kan kynthup ka jingshna iaka dam um jaka ban buh iaki pom um bad ki jaka ban pynkhuid iaka um.
Ia kane ka NSWSS la pynwan dur iaka ban pynbiang um iaka New Shillong Township kaba kynthup iaka Mawkhanu Knowledge City bad ban pynbiang um iaki 32 tylli ki shnong kiba don ha katei ka jaka kynthup iaki jaka pule bad ki ophis.
Ka sorkar kala mang pisa T. 772.955 klur ban shna ia kane ka jaka ring um ha ka bynta kaba nyngkong na katei ka pisa ba la mang, ka sorkar kala siew T. 416.11 klur katkum ka jingtrei kaba la trei.
