Shillong, Jymmang 24: Ha ka jingiadei bad ka jingthurmur ka rukom pynlong eksam NEET ha Jowai bad ha Nongpoh ,ki samla pule ki ba thoh ia kane ka NEET eksam ha Jowai bad Nongpoh ba dang shu dep ki don ymduna iaka san spah ngut ki ba lah thoh ha kine ki ar tylli ki center bad kane ka jingthurmur ka rukom pyniaid ka lah pynduh mynsiem iaki khynnah kiba thoh NEET .
Ha lor kane ka seng JSU bad KSU ryngkat bad ki khynnah pule kiba thoh iaka NEET ki lah phah daka shittji ujor sha ka NTA bad sha ka sorkar jylla ban pan jingshai ha ka rukom pyniaid eksam ha kine ki ar tylli center hynrei mynta lah kumba 2 taiew tam ym pat ioh iaka jubab na ka NTA bad kane ka buh iaki khynnah haka jingdum ha duh mynta.
Ha ka jingialang ba dang shu dep ban pynlong mynin ha Jowai ba lah don lang ki khynnah pule ba thoh NEET ,ki kmie ki kpa ha ryngkat bad ki nongialam JSU bad KSU na West Jaintia Hills district Unit ka lah mih ka sur jingpynrem jur iaka sorkar jylla namar ki lah ong ba shawei ki jylla kum ha Telangan.
Sha kiwei ki jylla ki lah ioh iaka jubab na ka NTA halor ka jingthurmur ka rukom pynlong iaka eksam NEET kaba lah dep hynrei ka sorkar jylla jong ngi tat haduh mynta kam pat ioh jubab na ka NTA.
Kumta kane ka kynhun hapoh ka jingialang ka dawa dakaba tyngeh iaka sorkar jylla ba ka dei ban iakren bad ki heh ka NTA na Delhi halor ka kaiphod kaba ka lah phah napoh ka jylla jong ngi bad ka NTA ka dei ban jubab kloi namar ka result NEET jong mynta u snem ka lah jan ban mih.
