Shillong, Jymmang 27: Ka party NPP ka khlem sha khot sha ka jingialang bala khot da ka kynhun Khasi Jaintia Christian Leaders Forum (KJCLF), lada ka party ka ioh ia ka jingkhot kan jinda la kmen ban leit ban ia shim bynta ha kum katei ka jingialang, la ong u president ka NPYF u bah Kitborlang Nongrem.
Halor ka jingkynnoh ba ka party NPP ka khlem leit sha ka jingialang bala khot da ka KJCLF, u bah Nongrem la ong ba ha dien ba u la ia kren bad u State President u Dr. W.R Kharlukhi la ong ba ka party kam shym ioh kano kano ka jingthoh bala la khot ia ka party sha ka jingialang.
U President ka NPYF, u kyntu ia baroh lada ki seng balang ne kino kino ki seng kiba khot ia ka party sha kino kino ki jingialang ki dei ban phah ia ki shithi sha ka ophis jong ka party kaba don ha Lachumier, lada ki phah shawei ka party kan nym don jingtip.
Kiba ia dei bad ka party ki dei ban phah sha ka ophis jong u Precedent jogn ka NPP Meghalaya State Unit ha Lachumier, lada ka ophis ka ioh ia ka jingkhot lada u president um ioh ban leit kin don beit ki nongialam ka party ba kin leit sha kita ki jingialang, la ong u bah Nongrem.
