PM interacting with PMO staff at South Block, in New Delhi on June 10, 2024.
New Delhi, Jylliew 10: Hadien ba u la bam smai kum u Myntri Rangbah Duh ha ka sien kaba lai, u Myntri Rangbah Duh, Narendra Modi u la soi ia ka file kaba nyngkong kaba ai jingbit ban pyllait ia ka bynta kaba 17 jong ka jingsiew hapoh ka PM Kisan Nidhi. Kane kan ai jingiarap ia 9.3 klur ngut ki nongrep ha ka jingpyllait haduh T 20,000 klur.
Hadien ba u la dep soi ia kane ka file, u Myntri Rangbah Duh Modi u la ong, “Ka Sorkar jong ngi ka ieng skhem na ka bynta ka Kisan Kalyan. Kumta ka long kaba iahap bha ba ka file ba soi nyngkong hadien ba la shimti ia ka kam ka dei kaba don jingiadei bad ka bha ka miat jong ki nongrep.”
