Shillong, Nohprah 09: Mynta ka sngi ka party BJP jong ka Meghalaya State Unit kala pynlang ia ka jingiakhih ha khmat ophis jong ka kaba don ha Bivar Road ban pyrshah ia ka jingshah kynnog bamsap jong u MP ka Rajya Sabha ka party Congress u Dhiraj Prasad Sahu ha kaba la ioh ban kurup palat spah klur ka pisa na ka iing sah jong u na ka jylla Jharkhand.
U President jng ka BJP Meghalaya State Unit u Rikkman Momin la ong ba kane ka jingiakhih ka long ban pynpaw ia ka jingpyrshah ia kiba la shah kynnoh bamsap ha kaba la ioh ban kurup ia ka pisa na iingsah jong u tei u MP ka Congress na ka jylla Jharkhand.
U Bah M Kharkrang u wei na ki nongialam ka party BJP la ong ba kane ka jngiakhih jong ki ka long ban pynaw ia ka jingkyrshah ia ki kam bamsap, la ong ba hapoh ka jingialam jong u myntri rangbah duh jong ka Ri u Narendra Modi la lah ban teh la kam ia ki kam bam sap.
La ong ba lada lap wat ha kane ka jylla ruh kampher la dei mano mano ruh na ka liang jong ka party BJP kan pynrem bad kan pynpaw beit ia ka jingpyrshah ia kito kiba don kti ha ki kam bamsap , la ong ba ka sorkar pdeng kan leh ia kaba don kam khlem map iano iano ruh.
Ha kane ka sngi da ki bun phew ngut ki nongkit kam jong ka party BJP kila ia mih ban ia shim bynta ha kane ka jingiakhih ban pyrshah ia kine ki jingshah kynnoh bamsap kaba la lap ia ka pisa na ka iing sah jong u MP ka seng Congress.
