The Prime Minister, Shri Narendra Modi addressing at the inauguration and foundation stone laying ceremony of key projects of the Power and Urban sector in Kerala, via video conferencing, in New Delhi on February 19, 2021.
New Delhi, Iaiong 07: Ka Tnat Kam Pla Tyngka jong ka Sorkar Pdeng ka ieng skhem ban pynbiang jingiarap pisa bad jingkyrshan sha ki bynta ba duna ka ioh ka kot ha ka imlang sahlang.
La pynbiang ia ki jingdonkam pisa jong baroh ki briew ba don bynta naduh ki briew kiba dang sdang ia ki kam lajong haduh ki nongrep lyngba ki sienjam bapher bapher. Ka sienjam ba kongsan jong ka Pradhan Mantri MUDRA Yojana (PMMY), kaba la pynurlong ia ki jingangnud jong ki million ngut, ryngkat ka jingsngew burom bad sngew laitluid.
La plié ia ka PMMY da u Myntri Rangbah duh ka ri ha ka 8 tarik Iaiong,2015 ban ai ram haduh T.10 lak sha ki business barit ki bym long ki kompani ne ki kam rep. Katba ngi rakhe ia ka lyngkhuh snem kaba hynriew jong ka PMMY, ngin phaikhmat sha ki bynta ba kongsan jong kane ka skhim bad ki jingjop haduh mynta.
Balei MUDRA Yojana, Ka India kadei ka ri kaba dap da ki jingangnud jong ki samla. Khnang ban pynbiang ia jaka kaba seisoh ban bet ia ki synbai jong ka roi ka par ka ri ka long kaba donkam ban pyniasoh ia kane ka jingkut jingmut kaba thymmai jong ka India.
Kaba mynta ka ban lah ban plie ia ki lad ki lynti ba thymmai na ka bynta ki jing duna kiba don mynta ha ka liang ka ioh ka kot jong ka ri. Da ka jingsngewthuh ia ka jingdonkam ban pyniasoh ia ki lad jong ka jingseng kam lajong ha India, ka sorkar NDA ha ka mang tyngka ba nyngkong ka la plie ia ka Pradhan Mantri MUDRA Yojana.
Kumno ka MUDRA Yojana ka treikam, Hapoh ka PMMY la plie lad ban ioh shim ram haduh T.10 lak da ki Member Lending Institutions (MLI) kaba mut ki Scheduled Commercial Bank, Regional Rural Bank (RRB), Small Finance Bank (SFB), Non Banking Financial Company (NBFC), Micro Finance Institution (MFI) bad kiwei kiwei.
Ia kine ki jingshim ram la ai na ka bynta ki kam kiba iadei bad ka jingshna tiar, ka khaii pateng bad ka jingai jingshakri bad ia ki kam ba iadei bad ka rep ka riang. Lah ban ioh ia ki jingshim ram Mudra ha ki lai bynta kiba long ka ‘Shishu’, ‘Kishore’ bad ‘Tarun’ kiba long ka dak jong ka jingkiew shaphrang bad ka roi ka par bad ka jingpynbiang ia ka jingdonkam pisa ki nongshim ram.
Ka Ram MUDRA ka don ha ki lai bynta, Shishu : ia ki jingshim ram kiba haduh T. 50,000/-, Kishore : ia ki jingshim ram kiba palat T. 50,000/- bad haduh T. 5 lak, Tarun : ia ki jingshim ram kiba palat T. 5 lak bad haduh T. 10 lak.
Da ka jingthmu ban kyntiew ia ka jingseng kam la jong hapdeng ki samla mynta, la pynthikna ban peit kham bniah ia ki jingshim ram hapoh ka bynta ‘Shishu’ ban bud da ka bynta ‘Kishore’ bad ‘Tarun’.
Haba ia dei bad kane ka skhim la, La pyllait pisa haduh T. 14.96 lak klur na ka bynta 28.68 klur ki jingshim ram naduh ba la sdang ia ka skhim (haduh ka 19.03.2021) La pyllait pisa na ka bynta 4.20 klur tylli ki jingshim ram hapoh ka PMMY ha u 2020-21 bad la pyllait pisa haduh T. 2.66 lak klur ha u snem mang tyngka 2020-21 (haduh ka 19.03.2021)
Ynda niew kyllum, ka jingshim ram ka long kaba haduh T 52,000/- man u briew, 88% jong ki loan ki dei haph ka bynta ‘SHISHU’, Jan 24% jong ki jingshim ram ki dei da ki briew ba sdang ia ki kam lajong ba thymmai, Kumba 68% jong ki jingshim ram ki dei ba la shim da ki longkmie ba seng kam lajong, Kumba 51% jong ki jingshim ram ki dei ba la shim da ki SC/ST/OBC.
Ki SC bad ST ki don ka bynta kaba 22.53 % na baroh ki nongshim ram, Ki OBC ki don ka bynta kaba 28.42% na baroh ki nongshim ram, Kumba 11% jong ki jingshim ram I dei kiba la ai ia kito kiba na ki jait bynriew ba rit paid. Katkum ka jinglum jingtip da ka tnat Labour & Employment, ka PMMY ka la iarap ban plie lad ioh kam haduh 1.12 klur tylli naduh ka 2015 haduh 2018. Na kine ki 1.12 klur tylli ki kam ba la ioh, ki longkmie ki don ka bynta kaba 69 lak (62%).
