Shillong, Rymphang 18: ka tnad ka koit ka khiah ka Directorate of Health Services (MCH&FW), National Health Mission, Meghalaya da ka jingiatei lang bad ka Meghalaya State Commission for Women lem bad ka ophis jong u Deputy Commissioner, East Khasi Hills District, Shillong mynta ka sngi kala pynlong ia ka “ Youth Festival” halor ka phang “A smart teenager, for a bright future”.
Ia kane ka jingleh sngewbha la pynlong ha U Soso Tham Auditorium, Shillong, ha kaba u Commissioner & Secretary jong ka sorkar jylla u ba dei peit ia ka tand ialehkai bad ki kam ba ia dei bad ki samla u bah F. R. Kharkongor u la long kum u kongsan ha kane ka sngi.
Ha kajingkren jongu Bah Kharkongor, u la ong ba kane ka jingle kmen ka longkum kawei na ki lad ia ki khun samla ba kin ioh ban ia mir jingmut I wei ia I wei bad kila ban ia kren halor ka koit ka khiah para ma ki hapdeng kiba dang ia khi ia san. U Kharkongor u la ong ba ka Ri India ka dei ka Ri kaba bun tam eh ki dang ia khi ia san ha kane ka pyrthei.
Na ka liang jong u tei u heh ka sorkar jylla u la kyntu ia ki khun samla ba ki dei ban long kiba trei shitom bad ki dei ban shim ia kane ka kabu ban ioh ia kynduh lang kaban long kum ka wei na ka jingpynlut por bad ki khun samla ym tang ban ai ia ki ka jingtbit , hynrei ka jingshaniah ha lade bad bakin long kiba lah ban shimti ia ka khia ka shon ha ka im lang sah lang.
Naka bynta kiba dangkhi dang san ba kin long ki briew kiba don ia ka jingkit khlieh ha ka imlang sah lang dei ban pynthikna bay n da ki lang ieh ka rta ki dei ban shim pat ia ka kabu ban long ki nongkit nongbah ha ka imlang sah lang bad ki lad jingtip lyngba ki kor ki bor jong kane ka juk kaba mynta ka long kaba don kam.
Ha kane ka sngi la ia mir jingmut ruh halor ka koit khiah haka shnong kha shong man bad kumno ban bam ha ki samla kiba la heh la san, ha kaba la pynsngewthuh ia ka hok ka jong ki bad la ia kren ruh ha kaba ia dei bad ki kam sniew kiba mih lyngba ka juk internet kaba mynta.
Kiba la ia don ha kane ka sngi ki long ka Chairperson, Meghalaya State Commission for Protection of Child Rights, kong M. Kharkongor, Director of Health Services (MI), Dr. R. O. Budnah, Director of Health Services (MCH&FW) ba dei ruh Joint Mission Director, NHM, Dr. D. Lyngdoh, Joint Director of Health Services (MCH&FW) ba dei ruh Nodal Officer RKSK, Dr. J. Lyngwa, Member, Meghalaya State Commission for Women, kong N. G. Shylla, lem bad kiwei kiwei ki seng trei man sngewbha.
