New Delhi, Naiwieng 20: Ka International Film Festival of India (IFFI) ka la long ka rynsan na ka bynta ki nongshna phlim na kylleng ka pyrthei ban pyni ia ka kam jong ki bad thikna, ka India kan long ka jaka pdeng na ka bynta ka jingiatrei lang ban shna phlim la ong u mytnri ka sorkar pdeng u Anurag Singh Thakur ba dei peit ia ka tnat Information & Broadcasting bad Youth affairs abd Sports mynta ka sngi ha jaka ba pynlong ia ka IFFI 53 ha Goa.
Ha ka jingai jingkren ha ka Red Carpet na ka bynta ka jingpyni ia ka phlim ba nyngkong jong ka IFFI 53 bad ka jingpyninyngkong ia ka phlim u Director na Austria u Dieter Berner kaba tip kum ka Alma and Oscar, u Myntri u la ong man ka snem, kane ka tamasa ka la nang heh.
Mynta u snem ki don shibun ki phlim kiba pyni nyngkong duh. 280 tylli ki phlimna palat 79 tylli ki ri la pyni ha ka IFFI mynta u snem. Kane ka pyni iakaei kaba ngi la lah ban leh haduh mynta, u la bynrap.
U Anurag Singh Thakur u la ong ba kane kadei ka sien ba nyngkong, la pyni ia ka phlim kaba nyngkong hashuwa ka jingialang plie ha ka IFFI. Man ka snem ngi pyrshang ban leh kieikiei kiba kham pher- naduh ka sienjam 75 Young Creative Minds of Tomorrow haduh ki jingpyninyngkongia ki phlim. Ngi phaikhmat sha ka jingiashim bynta shuh shuh ki riewpawkhmat ha ki kam phlimnabarri.
U Myntri khynnah jong ka sorkarpdeng ba dei khmih ia ki Tnat Information & Broadcasting, bad Fisheries, Animal Husbandry & Dairying, u Dr. L. Murugan, Secretary Tnat I & B u Apurva Chandra, ryngkat bad ka kynhun ba don bynta ha ka phlim Alma and Oskar ki la iashim bynta ha ka jingpyni ia ka phlim ha INOX, Panaji, Goa mynta ka sngi.
Ha ka jingai jingkren shaphang ka jingsngewkmen bad ka mynsiemlehkmenna ka IFFI ha kylleng sawdong, u Dr. L Murugan, u la ong ba ka IFFI ka pyniasoh bad ki ri ka pyrthei. Ki film delegate na kylleng ka pyrthei ki iashim bynta ha kane ka tamasa. Ka IFFI ka rah ruh ia ka kolshor jong ka ri sha kylleng ka pyrthei, u la bynrap.
Ha ka jingai jingkren shaphang ka khanajingieid jong ka Alma and Oskar, u Director Dieter Berner u la pynshai ba ka phlimkadei shaphang ka longkmie na Viatnam kaba pawnam, ka Alma Mahler, kaba bhabriew bad kaba shlur, kaba buh jingkylli shaphang ki jinglong jingman ha ka imlang sahlang.
U Oskar Kokoschka u dei u nongthoh phlim bad u nongdrodur. Ki la sdang ban don ka jingiaieid kaba la pynpoi ia ki sha ka jingjot bad kaba la buh jingkynmaw ha ka histori.
