Shillong, Lber 03: Ban wanrah ia ka jingkiew ia ki sap ha ka thian shatei lam mih ngi jong ka Ri India ka Standing Conference of Public Enterprises (SCOPE), ka kynhun ba halor tam jong ki kompnei ka sorkar pdeng kala pynlong ia ka ‘National Meet on Right To Information (RTI) Act’ ha Shillong, Meghalaya.
Ha kane ka jingialang, la ai jingkren da u Heeralal Samariya, Chief Information Commissioner, CIC; H. Nongpluh, State Chief Information Commissioner, Meghalaya; Atul Sobti Director General, SCOPE bad ki ophisar jong ka Sorkar Meghalaya, Sorkar India bad ki PSE. Ha kane ka sngi la wan iashim bynta da palat 80 ngut ki dkhot na34 tylli ki PSE.
U Heeralal Samariyaha ka jingiakren bad ki nongiashim bynta u la ong ba ka jingthmu jong ka Right to Information Act ka dei ban wanrah ia ka jingshai bad ka jingbahkhlieh ha ka jingsynshar.
U la iarohia ka jingiashim bynta ha kane ka workshop jong ka SCOPE bad u la ong ba watla ka RTI ka dei ka Ain kaba rit, ka dei ka Ain kaba donbor tam. U la ai jingmut ia ki ophisar ba kin plie lad ia ka jingai jingtip ia ki paidbah namar kane ka dei ka hok jong ki, bad ruh ba kin ai ia ki jingtip kiba biang sha ki paidbah.
UBah H. Nongpluhu la ong ba ka RTI ka dei kawei na ki Ain ba pynkup bor tam bad u la ong ba ka rukom pyrkhat jong u Public Information Officer (PIO) ka long kaba kongsan bad ruh ba ki dei ban trei mar mar ban ai jubab ia ki RTI. U la ong ruh ba dei ban pynlong shuh shuhia kum kine ki prokram khnang ban ai jingtip shuh shuh shaphang kane ka Ain.
UAtulSobtiha ka jingai jingkren jong u, u la iathuh ba ka SCOPE ka la rai ban pynlong ia kane ka National Meet ha Shillong namar ka jingkiew ka jingpaw jong kane ka nongbah katba ka dang shim ia ki sienjam ban kylla sha ka Smart City.
U la ong ba ka RTI ka dei ka Ain kaba kyrpang, kaba donkam bad kaba pynkup bor tam. U DG, SCOPE u la ong ruh ba ka jing thmu ban pynlong ia kane ka jingialang ha baroh ki thain ka dei khnang ban plie lad shuh shuh ia ka jingshai, ai jingtip bad iakren halor ki bynta bapher bapher jong ka RTI.
Lyngba ki jingai jingkren na ki nongmihkhmat na ka Sorkar bad ruh ki nonghikai, kane ka jingialang ka dei sa kawei pat ka sienjam jong ka SCOPE ban rah ia ki kam pyntbit jong ka sha ki bynta bapher bapher jong ka ri, lyngba ki workshop ha ki phang ba iarap kum ka Jingpyniaid ia ki Kompani, ka Jingkylla ka Suinbneng, ka Jingpynkupor ia ki Longkmie, Ka Jinglong Nongialam, ka Jingpynkylla sha ki kam Digital bad kiwei kiwei.
