Shillong, Rymphang 24: Ka kynhun jong ki trai kali ki ba don ha poh ka shatri jong ka Jaintia Hills Truck owner Association ki la pynpaw ia ka jingpyrshah jur ia ka jingthmu jong ka sorkar jylla ban pynpoi ia ka lynti Rel ha East Jaintia Hills District ki trai ki ba buh ia kine ki truck ki ia kynduh jingeh namar ba kine ki Rel kin kit da ki hajar ton ia ki mar.
Ha ba ia kren bad ki ladpathai ha ka sngi thodieng na ka liang u bah Biangshwa Shylla u ba dei u President jong ka Jaintia Hills Truck Owner Association u la ong ba la da ki kali ki kit ia ki mar ki mata ki dang ioh ia ka kamai ka kajih hynrei lada poi ka lynti rel ki kali ki sa shu set lut baroh.
U bah Shylla u la ong ba kane ka jingthmu jong ka sorkar ha kine ki khyndiat sngi ban wanrah ia ka lynti Rel ha poh ri lum Jaintia ka la pynlong ia kine ki trai jong ki truck ban kin mih shakhmat ban pyrshah.
U la ong ruh ba la da ka rel kan wan sha kine ki thain jong ka East Jaintia ka lah ban ktah bha ia kine ki trai jong ki truck namar ba kine ki rel ki lah ban ki da ki hajar ton.
U bah Shylla u la ong ruh ba kane ka Jylla jong ngi ka long ka ba rit bha kumta la da kane ka lynti rel kan wan ha ka jylla kalah ban ktah ha ka ba ki briew ki ba na bar kin ioh ka lad ban rung bad ban mih lait luid kat ba ki mon.
Halor kane ka jing thmu jong ka Sorkar na ka liang u bah Shylla u la ong ba ba kin ieng ban ia khun ha duh ban da jop bad ki la buh ruh ka jing kyrpad ia ki paidbah bad kumjuh ruh ia ki seng bhalang ba kin ai jingkyrshan lang ia kane ka jing thmu ban pyrshah Ia ka lynti Rel.
