Shillong, Iaiong 07: U Prof L S Gassah haba kren ha ka jingialang bala pynlong da ka party HSPDP ban ia mir jingmut halor k
a Sixth Schedule u la ong ba ka Sixth Schedule kane kum juh hynrei kiba pynsniew dur dei kiba pyntrei ia ka.
Haba kren kum u nongai jingpynshai ha kane ka jingialang, u la kynthoh ba bun na ki MDC kim tip ia ka Sixth Schedule, haba kim tip kumno kin pyniaid ia ka, dei na kane ka daw ba sa mih ka jingdawa ba ym don kam shuh ia ka Sixth Schedule namar ka jingleh jong ki katto katne ki ba ioh ban bat ia ka bor.
U Prof Gassah u la ong ba ka jingwat jingtip bad jingshai jong ki briew ha kaba ia dei bad ka Sixth Schedule ka long wat na shiliang duriaw, na America, Japan bad ki nong Ladak ha dien ba kila ioh ia ka Union Territory.
Ban tip ia ka bor bad ka iktair jong ka Sixth Schedule dei ban pule ia ka bad kum juh ia ka jingiathir hapoh ka dorbar bah jong ka Ri India jong u snem 1949 jong ka tarik 5, 6 bad 7 tarik u Nailur ba kumno la iakren bad la pynrung hapoh ka Riti Synshar jong ka Ri India ha ka artikel 244 (2) bad 275(1).
La ong ba ka Sixth Schuedule kala don ka jing ka bor hapoh ka Riti Synshar jong ka Ri India, ha Meghalaya la plie paidbah ia ki ar tylli ki District Council ka dei ha ka 27th Jylliew 1954 kaba dei jong ka UKJHADC bad GHADC katba ia ka JHADC la plie ha u snem 1967.
Haba ia dei bad ka jingkwah ban pynkylla ia ka Sixth Schedule kala dei naduh u snem 1954 ha kaba u Captain WA Sangma u long u CEM ba nungkong ka GHADC ha u snem 1954 bad ka jingkwah ka wan biang ha u snem 1988 por jong ka INC bad haduh mynta ka dang sah bad ka Para 12 (A) kaba sah dei tang ha Meghalaya.
Kiwei kiba la kren ki long u bah Samlin Malngniang MLA, bah Reniktone L Tongkha myntri sorkar, bah M N Mukhin EM jong ka KHADC baroh kine ki nongkren kila kren shai ba la khot ia ka jingialang ban ia shai halor ka bor bad ka iktiar jong Sixth schedule ban ia jaidbynriew. Ia ka jingialang la pyniad da u president ka seng u bah KP Pangniang.
Ha kane ka sngi palat spah ngut ki nongkyrshan ka party na kylleng ki lum khasi kila wan ban ia shim bynta ha kane ka jingialang jong ka party ha kaba ia dei bad ka Sixth Schedule bad kila ruh ki nongialam ka party kiba la ia poi lang ha kane ka sngi.
