Ka sorkar Assam kam kwah ba ka sorkar pdeng ia tulkar halor ka jingia kajiai pud:Dr  Mukul

Shillong, Rymphang 25: Haba ia dei bad ka jingiakam pud hapdeng ka jylla Assam bad Meghalaya na ka liang jong ka Assam ka juh ai daw da kume da kumtai bad kane ka jingleh ka kdew ba kim kwah ban ia pynbeit ia kane ka jingeh ha kaba ia dei bad u pud u sam bad ka jylla Meghalaya, la ong u nongialam ka liang pyrshah u Dr Mukul Sangma.

Leh ka long ba ha dien ba ka jylla Meghalaya kala dep ban ai sah ka jylla Assam ia ki dulir kiba biang, leh se ka shem ba ka jylla Assam kam don nongrim ban kam ia kito ki jaka kiba don mynta ha pdeng ka jingiakam mar kylliang, leh se ka Assam kam lah ban pynshisha ia kito ki jaka ba ka kam ba kin dei jong ka jylla Assam.

Na ki dulir kiba ka jylla Meghalaya kala pynbiang, ka lah ban don ka jingbatai bakal hangne hangtai ha kaba ia dei bad kito ki jaka kiba ia kam mar kylliang, hynrei halor ki dulir dei ban ia pynbeit, la ong shuh shuh u nongialam jong ka liang pyrshah u ba dei ruh umyntri rangbah barim ka jylla haba ka jylla Meghalaya ka kwah ba ka sorkar pdeng ka dei ban tuklar ia kane ka jylla Assam ka kyntait.

Kane ka paw ba ka Assam kam kwah ba ka sorkar pdeng kan tuklar bad ka Assam ka kwah ban ia pynbeit hapdeng kine ki ar tylli ki jylla, dei na kane ka daw ba kum ka jylla ka hap ban peit biang kumno ban leh ha kaba ia dei bad kane ka kam, namar ba ka Assam kam kwah ban ka sorkar pdeng ka tulkar, hynrei ki kwah ban ia pynbeit tang ha pdeng kine ki ar tylli ki jylla, na ka liang jong ka jylla Meghalaya ha kito ki por ka mynjur  bad na ka liang jong ka jylla Meghalaya kala ai ia ki dulir bad kala dep ruh ban peit bniah ia ki dulir.

Mynta kala dei ka pali jong ki ban wan sha ka miej jingiakren bad ba pynthikna ban wat ia ki lat ki lynti kumno ban ia pynbeit ia kane ka jingeh, na ka liang jong u Dr Mukul u al ong ba u mynjur ba lada ki dulir kiba la ai kan nym lah ban pdiang lut bad lada ki don ki bynta kiba dang hap ban ia mir jingmut don kam ban ia kren ban ia pynbeit, ha ka por jong u kum u myntri rangbah ka jylla u la ong ia u mytnri rangbah ka jylla Assam ba dei ban kyntup lang ia baroh ki seng sain pyrthei.

Dei halor kane ba kila wan rah ia ka rukom trei kam ban peit ha khappud naduh ki District Adminstration, lada kim lah shuh ha ka kyrdan jong ki District dei ban shim ha ka kyrdan jong ki Chief Secretary, hynrei bun sien la iohi ba bun sien ka Assam ka juh leh ia kano kano ka kam khlem da pyntip sha Meghalaya dei na kane ka daw ba ia kane ka kam dei ban leh ha ka kyrdan jong ki myntri rangbah ka jylla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet