Shillong, Nailar 23: U myntri rangbah ka jylla u Conrad K Sangma mynta ka sngi u la leit ban ia shim bynta ha ka jingleh niam Behdeainkhlam ka Mukhla kaba hap ha West Jaintia Hills District.
U myntri rangbah ka jylla u ai khublei ia kai paidbah ka raid Mukhla kiba la lah ban pynlong ia kane ka jingleh niam namar kane ka jinglehniam la lah ban pynlong ha dien ar snem namar ka jingwan kane ka khlam COVID.
U la ong ba u dap da ka jingsngew kmen ban ia don bynta lang ha kane ka jinglehniam namar kane ka dei ka dak kaba pyni sha ka pyrthei bad ka sorkar ka ai ka jingkyrshan ban pynneh pynsah la ka jong ka Riti Dustur namar kane ka long kaba don kam bha haduh katta katta.
Ka sorkar man ka por ka juhpynlong ia ki tamsa ban pyni nam ia ki riti dustur bad ka shna ruh ia ki jaka ban pynlong ia ki jingpyninam bad ia kiba la don ka pynbha khnang ba kin lah ban pynlong ia ki tamasa pyninam.
Ha kane ka sngi u myntri rangbah ka jylla u la ai ka jingkular ban ai jingiarap pisa ban pynbha ia ka jaka ba pynlong ia ka lehniam Behdienkhlam Raid Mukhla khnang ba ka raid kan lah ban pynneh pynsah ia ka riti dustur bad kan long ruh ka jingkhring ia ki nongwan jngoh kai pyrthei.
Kiwei kiba la don lang ha kane ka sngi ki long u bah Sosthenes Sohtun, MLA, Jirang bad u MLA, Jowai u bah Wailadmiki Shylla, ha kane ka sngi la don lang ruh ki MDC jogn ka JHADC.
