Ka sorkar ka dang iai bteng ban ia kren bad ka sorkar pdeng ban pyntrei kam ia ka ILP

Shillong, Rymphang 13: Umyntri kam poh iing ka jylla u bah Lahkmen Rymbui u la ong ba ka dei ka kamram jong ka sorkar jylla ban ia kren bad ka sorkar pdeng ban pynthikna ba ia ka jingdawa ban pyntreikam ia ka ILP ha kane ka jylla lah ban ia pynbeit noh kham kloi.

Kane ka jingdawa ILP ka dei ka jingangnud ki paidbah ka jylla, ba ia ka ILP dei ban pyntreikam ha kane ka jylla, na ka liang jong ka sorkar jylla kan dang iai bud dien ia kane, u myntri u la ong ba ia kane phim nym lah ban ong ba kan shu urlong dang hapoh khyndait sngi hynrei ka jingiakren ka dei ban beteng.

Halor ka jingong ba ka tnad Infiltration ka don ka jingduna briew na ka liang jong u myntri u la ong ba ia mynta ym pat lah ban ong ei ei namar un dang khot ia ka jingialang ha kane ka taiew ban wan ynda la dep ia kynduh bad ki ophisar ha kane ka taiew ban wan.

Haba ia dei bad ka jingshah thang ar tylli ki kali, u myntri u la ong ba kum kine kim dei ban jia, kine ki dei kali jong no lada dei jong ka sorkar, ka sorkar ka dei jong no dei jong ki paidbah, lada shah thang kali sorkar, ka sorkar hap thied kali thymmai, na ka pisa jong no ka sorkar kan thied ka dei ka pisa paidbah.

Haba thied kali mano ban ioh nong, kiba ioh nong dei kali ki kompeni shna kali, na ka liang jong u myntri u la kyntu ba dei ban don ka jingsngew trai ba ki mar sorkar jong  jong u paidbah. U myntri u kyntu ia ki paidbah kum kine ki jignthang kali kan nym dei ban don.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet