Shillong, Nailur 21: U Chief Executive Member jong ka Khasi Hills Autonomous District Council u bah Titosstarwell Chyne la iathuh ba ha kane ka jingialang kaba la long hapdeng ka KHADC bad ki khlieh nongsynshar hima kila shim ia ka rai ban thohsha ka sorkar ban pynrshah ban pyntrei kam ia ka ain Civil Procedure Court bad ia ka Code of Criminal Procedure ha ki jaka jong ki riewlum.
Haba kren sha ki lat pathai khubor ha dien ka jingialang bad ki khlieh nongsynshar la shim ia ka rai ba kin phah sha ka sorkar da ka jingthoh ban dawa ba ka sorkar ka dei ban pynbeit ia ka jingpynbna sorkar lane kan pynmih da kawei pat ka jingpynbna kumba kila dep ban ai jingmut.
U CEM jong ka KHADC u la ong ba kim phah noh ia ka jingthoh sha ka sorkar katba kloi, ha kane ka jingiakynduh mynta ka sngi ha pdeng ka KHADC bad ki khlieh nongsynshar kila ia kren ba kaei ka sien jam ba ki shim lada jia kaba ka sorkar kam sngap.
Ha kane ka jingiakynduh long na ka liang jong ki khlieh nongsynshar kila ong ba ki kloi ban pynmih paidbah ha la ki jong ki jong ki elaka lada ka sorkar kam sngap , kata ka dei ka jngpynsngew jong ki hima kam pat dei ka rai.
Haba ia dei bad ka jingpynbna ka sorkar ka wanrah ia ka jingsngew artatien, ka jingsngew bym thikna ha kaba lah ban batai ha kano kano ka rukom ha kiba bun ki bynta bad kane ka ain mynsiem ba dei ban pynthymmai ia kane.
La pynkynmaw ha kaba ki ia kynduh ia u myntri rangbah ka jylla u Conrad K Sangma ha kaba ia dei bad ka jingpyntreikam ia kane ka CPC bad CrPC, u CEM jong ka KHADC u la ong bay m pat lah ban ai ia ka rai kaba khatduh wat ha dien ba la pynshai ba kan nym ktah ei ei ia ki bor jong ki iing bishar ka District Council.
Ha ka jingiakynduh bad u Mytnri Rangbah ka jylla u la ong bay n dang pyrkhat biang bad kumta u la khot ia ka jingialang jong ki MDC bad ki sahim ia ka rai ban ia kynduh ia ki khlieh nongsynshar mynta ka sngi.
U CEM jong ka KHADC u la ai khublei kyrpang iaki khlieh nongsynshar na ki hima kiba pher bapher kiba la ia poi sha kane ka jingialang, ka jingpoi jong ki mynta ka sngi ka pyniia ka jingkitkhlieh ka jong ki halor kane ka bynta.
Ha dien ba la ia tai bun kynta na ka liang jong ki khlieh nongsynshar kila pynpaw kumba phi la ia iohsngew ba kim pat pdiang ia kane ka jingpybna ka sorkar bad ki kwah ia ka jingpynbna sorkar kaba kham shai ban pynlait beit ia ki iing bishar jong ki District Council bad ia ki jaka jong ki riewlum dei ban hap ha ki iing bishar jong ka District Council Court.
Ka jingphah ia ki mukotduma na ki iing bishar jong ki District sha ki iing bishar jong ki District Council ka dei ban logn kaba shai khnang ba kan nym don kano kano ka jingpyndon kam bakla ha dien ka bud lada jia ba ki mukot duma kin poi shuhsha ki iingbishar jong ki District Council , kaba mut ia ki iing bishar jong kiDistrict Council la hap ban khang, la ongu CEM ka KHADC.
