Ka sorkar ka dei ban wanrah ia polisi ban mang 80 persent ha ki kompnei shimet: Louis

Shillong, Risaw 20: U mynta ka sngi ka seng Hynniewtrep National Youth Movement (HNYM) kala pynlong ia ka jingiaid paidbah na u mot Kiang Nangbah sha secretariat saw dong jong ka bad phai biang sha ka juh ka jaka.

Ha kane ka jingiaid paidbah palat spah ngut ki dkhot ka seng kila wan ban ia shim bynta ha kane ka jingiaid paidbah ban pynpaw sha ka sorkar ba ka dei ban wanrah noh ia ka polisi ban bhah kam 80 persent ha ki kompeni kiba don ha ka jylla Meghalaya da ki trai jylla.

U bah Louis Dohtdong President ka seng la ong ba kum ka seng kila dep ban thoh sha u myntri rangbah ka jylla shisnem mynshuwa halor kane ka bynta hynrei na ka liang jong ka sorkar hapoh ka jingialam jong u Conrad K Sangma kala shu sngap mynthi haba ki pan ban ia kynduh ruh um treh, la ong.

U tei u nongialam la ong ba  u ai por ia kane ka sorkar hapoh shiphew sngi ba kan jubab ia kane ka jingdawa kaba kila dep ban ai jingthoh la palat shisnem mynta, lada ka sorkar kam jubab ka seng kam ban se ban pynsngew ia ka sorkar.

La ong ba ia ka polisi thung kam ha ka sorkar kim kwah ban kren eiei, hynrei ka long ba lada ki kompeni kiba don ha Jaintia Hills, ha Byrnihat kim lah ban ai kam ia ki briew jong ka jylla Meghalaya kan nymtoi aiu ban kin don ha kane ka jylla lada kam don ka jingmyntoi ia ki samla ka jylla.

La ong ba ki kmie ki kpa ki lynga pisa ban peit iala ki jong ki khun kiba la nang lastad hyrnei kim don kam don jam, lada ki kompeni kiba don ha kane ka jylla la ki dei ki kompeni kiba na bar ka jylla lane na ka jylla lada kim ai kam ia ki trai jylla kam don jingmut ba kin don ha kane ka jylla Meghalaya.

Dei halor kane ka nongrim ba ka seng kala phah da ka jingthoh sha u myntri rangbah ka jylla ban wanrah ia ka polisi ban thung kam 80% ia ki trai jylla ha ki kompeni jong ki riew shimet kiba don ha kane ka jylla namar tang ka kam sorkar la tip shai ba ka sorkar kan nym lah ban ai kam, la pynkut u bah Louis Dohtdong President kaseng HNYM.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet