Shillong, Lber 07: Ka dorbar mang tyngka jong ka jylla Meghalaya na ka bynta u snem 2014-2015 kala sdang mynta ka sngi, ha kaba u lat ka jylla u la ai ia ka jingkren ka jong u hapoh ka iing dorbar katkum ka riti synshar jong ka Ri.
Ha kane ka jingkren ka jong u Lat, u la kdew lut ia baroh kit and sorkar kiba ka sorkar ka la leh bad ia kiba ka dang pynkhreh ban leh ha kane ka snem mang tyngka.
Na ka liang jong ka sorkar ka kwah ban pynioh ia ki lad ki lynti sha baroh ki paidbah nongshong shnong ia kaei kaba ki dei ban ioh. Ka kam kaba ha khmat eh jong ka sorkar ka long ban ai ka jingtreikam kaba shai ha kaba ki paidbah kin tip. Ka thong jong ka sorkar ka long ban rat dingkhong ia ki kam bamsap.
Haba phai ha ka jinglong jingman jong ka shong suk shnong sain ha ka jylla, kumba ka long mynta na ka liang jong ki pulit ki la lah ban teh la kam ia ki kam runar, hynrei kaba sah mynta ka long ka jingkiew rasong ka seng GNLA ha kaba ka sorkar ka sngewkhia jur.
Ha u snem ba la dep ki lehnoh kiba la shah kem ki long haduh 108 ngut bad kiba la wan ban pyndem wait ki long haduh 19 ngut. Na ka liang jong ki pulit ruh kila ioh ban kurup shibun kit air ialeh kum ki suloi bad kiwei kiwei ki tair pynmynsaw.
Na ka bynta ban ia khun ia ki kam leh noh ha kane ka jylla kumba ka long ka jylla ka dang shaniah ha ki bor shipai jong ka sorkar pdeng. Na ka liang jong ka sorkar kala rai ban seng ia kawei ka kynhun pulit kaba thymmai.
Haba ia dei bad ka jingmang pisa na ka bynta u snem 2014-2015 la mang ba kan long Rs.4545 klur. (SP News)
