ka sorkar kala ai jaka ba biang, ki nongtrei SMB ba don ha Them Metor kim dei ban Pyrshah: UHM

Shillong, Risaw 19: Ka seng UHM ka pynrem jur ia ka jingwan mushlia ki briew kiba na bar halor ka Them Metor. Ka Seng ka kyntu jur iaka sorkar ba kam dei ban ailad iakum kine ki briew ba nabar ban wan tuklar iaki kam pohing ha ka jylla namar wat tang ia ka land tranfer act bad ka 6th schedule ruh Kim don jingtip eiei.

Ka UHM ka ong ba ka long ka jinglehrain iaki bad khamtam ia u symbut myntri rangbah ka jylla Punjab uba kren laplah khlem ka jingtip iaka sdang ka kut iaki kam ka jylla jongngi, haba peit nuksa sha kiwei pat ki jylla kum ka Assam haba ka lah don kam iala ka jaka watla ki paidbah ki shong beain daki phew snem haki jaka sorkar.

Hynrei ynda ka sorkar kala donkam kam ailad ba kin leh trai khlieh ne kamtrai ka pyni iala ka bor bad knieh beit iala ka nongkynti, bad dang shen phin peit baka sorkar pdeng haba ka shna iaka Delhi Mumbai express highway kam shym la map iaki jaka baka don kam.

Ha kawei pat ka liang ka seng ka kren shai ba ki briew kiba dei na shabar ba kim dei ban mushlia than khamtam ia ki jaka puta namar kim lah ban kam trai iaka jaka katkum ka Meghalaya land transfer act 1971 kumjuh ruh ki nongtrei Shillong Municipal Board ki dei ban hun ia ka jingpyniaid ka SMB namar ka agreement ka dei bad ka SMB ym bad ki nongtrei.

Haba ka sorkar ka lah ai ki jaka sah ba biang iakine ki nongtrei SMB sha ka  jaka   ba kham biang kim don hok ban pyrshah, namar kumba ka long mynta ka ktah ia ka koit ka khiah namar ka Jing jakhlia bad jing khapngaih ka lah long shaba palat bad khamtam ba ka dei ka jaka iew kam dei ka jaka shong briew.

Kum ban shu pynkynmaw ba ha u snem 2014 haba ka sorkar ka thmu ban pynpra iaka jingkieng Motphran ka lah don ka jing pyrshah ba jur naka liang ki nongshong dukan jong ka jingkieng Motphran namar kin sa duh ka ja kpoh lada pynpra.

Ha katei ka pork ala don ruh ka jingdawa hakito ki por ba dei ban weng noh iaki Khar Harijan na Them Metor bad ban ailad noh iaki ban shong bad pynlong iew hang to hynrei hadien ka jingia pynbeit bad ki bor ka aiñ ki sa ai noh iaka jaka ha khrum ka parking lot Jaiaw kaba tip mynta kum ka Khasi Market.

Ka Seng ka sngew ban kyntu jur iaka Sorkar Jylla ba kam dei ban pynsngap iaka jingwan ki briew na shabar ka jylla bad ba kadei beit ban iaid shakhmat bad ka jing pynkynriah iakine ki Nongtrei ka SMB bad kiwei kiwei kiba don hakiwei pat ki tnad sorkar bad iaki ba shong beain kadei ban pynsaja kat kum ki kyndon ka aiñ.

Ka Seng ka da ai ruh ka kti kamon ka kti ka diang iaka sorkar Jylla halor ka jing pynkynriah iakine ki briew, kane ka longkatkum ka kyrwoh kaba la phah da u nongai ktien ka seng u  Bah Melvin Japang.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet