Shillong, Lber 08: U Symbut Myntri Rangbah ka jylla u bah Prestone Tynsong haba jubab ia ka jingkylli kaba la wan rah da u bah George B Lyngdoh MLA ha kaba ia dei bad ka jingiap khlam ki sniang, na ka liang jong u myntri u la jubab ba baroh ki sniang kiba la iap ki long 540 tylli ha ka jylla.
Ka jingiap jong kine ki sniang ki long naduh ka 25th Jylliew 2020 haduh u bnai 22nd Rymphang 2021, kiba iap ha East Khasi Hills 69, West Khasi Hills 59, South West Khasi Hills 11, West Jaintia Hills 96, East Jaintia Hills 7, Ri Bhoi 298.
Na ka bynta ban ialeh pyrshah ia kane ka jingiap khlam ki sniang ha ka jylla ka sorkar kala pynlut T.15.87 lak bad kane ka long na ka bynta jong baroh ki District ha ka jylla.
Haba jubab ia ka jingkylli bynrap jong u MLA ka Umroi , na ka liang jong u symbut myntri ka jylla u bah Prestone ba dei peit ia ka tnad kam ri jingri u la ong ba ka sorkar ka dang kala pynkhreh ban iarap ia kito kiba la ngap ha kane ka jingiakhlam ki shniang.
