Shillong, Kyllalyngkot 15: Kano kano ka kynhun yn nym lah bankiew lymda la phai khmat sha ki briew shimet shimet khlem da peit kynthei ne shyrnang ban kyntiew ia ka ioh ka kot khlem da shim ki dei na kano ka kynhun niam.
Ka phang ia kren ban ai bor ia ki kynthei kam dei shuh ban ia kren namar kumba ka long mynta la ia kiew lang ha baroh ki liang, ka Ri India ka dei ka ri kaba la juh niew bad burom ia ki riew kynthei lyngba ki bun bun spah snem kiba la leit, ka riti dustur ka niew burom shisha ia ki kynthei.
Ban burom ia ki kynthei ka jylla Meghalaya ka dei ka jylla kaba la lam khmat ha kane ka jylla ba ka long kmie ka dei ka nongri nongsumar ia ka iing ka sem naduh kulong kumah.
Ha kane ka sla pyrthei niar eh kiba shim jaid na ka kmie.Ka sorkar Meghalaya naduh u snem 2020 kala shim ia ka rai ban pynskhem shuh shuh ia kane kaba la bud ryntih.
Kumba ka long baroh ki long long iing kila lah ban kyntiew ia ka ioh ka kot da kaba pyndon kam ia ki tair kiba la don namar ki kynthei ki don ia ka bor ban ia shimrai lang ban kyntiew ia ka ioh ka kot, ym tang kata ka dei ruh ka nonglum nonglang ban kynshew kyndiap ban ialeh ban pynlait ka jingduk jingkyrduh.
Ha kane ka jylla Meghalaya ki don ki rirewlum kiba don la ka jong ka rukom riam rukom beit , ki Khasi, ki Garo bad ki Pnar bad kane ka jylla ka don ia ka mariang kaba itynnad, wat ha pdeng kine ka jylla Meghalaya ka dei ka jylla ba bun eh ki kynthei kiba khlad, ka bhah kyrpang jong u snem 2020 la pynwan dur ia ka ban weng ia kane ka jingeh.
Ha kine ki khyndait snem ki kynhun treilang ki la mih ban ia shnoh kti lang ban kyntiew ia ka ioh ka kot, da ka jingiashim bynta shuh shuh ki kynthei ha ka sain pyrthei ka jingkyrshan pisa lyngba ki seng treilang, ki kynhun trei ban kyntiew ia ka ioh ka kot ha ki shnong, ki seng ha ki shnong kila dang kiew ka jingdon jong ki ha ki shnong.
Ha kine ki ar snem ka sorkar kala dang ialeh ban dang pynkhlain shuh shuh ia kane ka rukom trei kam ha baroh kawei ka jylla da kaba dang peit bniah ba kine ki seng ki dei ban ioh ia ka pisa ba ki lah ban trei kam bad kine ki seng ki dei ban ioh ia ka ram na ki bank bad ka sorkar kala kyntiew ia ka jingioh ram bad kum juh ia ki iing ki snem.
Ha u snem 2018 ka jylla ka don tang 5814 tylli ki seng treilang ha ka jylla bad mynta kila don haduh 38,115 tylli ki seng treilang bad kane kala kynthup ia ki 3.16 lak tylli ki long iing.
Ka jingmang pisa ha u snem 2018 na ka bynta jong ki ka long tang T.97 klur ia kaba la ai sha ki seng treilang kiba ioh ki don tang 2903 tylli katba mynta kila kiew sha ka 94.5% ha kaba ia ka pisa la phah lyngba ki 36,070 tylli ki seng treilang.
Ki kam kiba la pyntrei ki long kum ka thain jain, Ri sniang, masi pynmih dud, ki jaka pynmih marbam, ki tiar pyndon kam leit bar,nalor kine ka sorkar kala shim ruh tylli kiwei kiwei ki kam pynkyntiew ia ka ioh ka kot da kaba kyntiew ia ka jingpynmih mar matta.
