Ka sorkar kala thaw ia ki Kommittee ban peit ia ki jaka ba iakam markylliang: Renikton

Shillong, Naitung 2: U Bah Renikton L Tongkhar ba dei ruh u myntri ha kane ka sorkar la iathuh ba ka sorkar kala thaw ia ka bommittee ban peit ia ki jaka ba don ka jingiakam pud kaba mar kylliang ha pdeng ka jylla Meghalaya bad Assam.

Haba kren ha ki lat pathai khubor u bah Tongkhar  u la ong ba na katei ka kommittee ka sorkar kala thaw sa ki sub committee na ka bynta kito ki District ba don ka jingiakhap bad ka jylla Assam bad na ka bynta ka West Khasi Hills u long u shongknor.

Ki jaka kiba ia kam mar kylliang ha West Khasi Hills ki don saw tylli, la iathuh ba ha ka saw tarik un leit ban jngoh ia kitei ki jaka bad namar ka jingiakren bad u myntri rangbah ka Meghalaya bad Assam kan long ha ka 6 tarik mynta u bnia ha Guwahati.

Haba ia dei bad kiwei ki District na ka liang jong u  myntri u la ong ba ki don kiwei kiba peit bad ka shnong ha ki kumno kin leh, ia kata ym lah ban ong ei ei namar u dei ban peit ia ki jaka ba don jingiakam mart kylliang ha West Khasi Hills.

Mynta ka sngi u Symbut myntri rangbah ka jylla u la  khot ia ka jingialang jong ki myntri sorkar kiba don ha ka kommittee ban peit ia ka khappud bad kane ka long kum ka jingpynkhreh shuwa ban ia kynduh ia u myntri rangbah ka jylla Assam ban ia kren ha ka 6 tarik mynta u bnai ha Dispur.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet