Shillong, K.Lyngkot 28: Ka jingtei ia une u mot da ka sorkar phareng ha u snem 1924 ka dei ban pynneh bad pynsah nam ia ki riew rangbah ka jait bynriew khasi kiba la tip kum ki 26-Labour Corps ban leit sha France ban iarap ia ki shipai phareng ha ka thma bah ba nyngkong ha u snem 1914.
Kum ka dak ban pynsah nam pynsah burom ia ki 25 ngut ki riew rangbah kala shna ia u ne u mot , ka jingwan jong ka seng ha katei ka jaka ka long ban kyrpang ia ki bor shnogn borthaw, kibor sorkar ba kim dei ban lushia ia ki mawtei nam kaba ki long shuwa kila tei, dei ban pynneh pynsah ym ba kin khura katba mon.
La iathuh ba ha Garo Hills la rakhe ia ka Garo Labour Corps, hynrei ha Ri Khasi kam juh don kata ka jingrakhe ban kynmaw burom ia ki shipai ka jaid bynriew kiba leit ha kato ka por jong ka sorkar phareng dei tang une u mot ba pynkynmaw.
Dei tang une u mot ba pynneh ia ka history ia kita ki khasi ki kur ki jait kiba ha iing ha sem ka Ri bad ka jaitbynriew ia kita ki khla wait kiba leit len lade ba leit pha ia laka jong ka jingim ha ka thma bah ba nyngkong. Namar dei ha u ne mot la buh ia ki kyrteng ka jong ki bad ha u ne u mot im ka jaidbynriew.
Na ka liang jong ka seng HANM ki da kyrpat jur ia ka sorkar ba kamd ei ban khura dei ban pynneh pynsah kumba long ban pynneh pynsah ia ki mati ki long shuwa ban shuwa ki ar ngut ki nongialam ka seng u bah Bawan Nongsiej Secretary HANM East Khasi Hills District bah Nelson Kharbani Vice President kila pynpaw ba kim pyrshah ia ka jingpynbha hynrei ym dei ban pynkylla Fountain namar kan sa pynjot ia une u mot ba don nam.
