Shillong, Naiwieng 10: U Myntri ba dei peit ia ki kam pynroi ha ki kahppud u bah Lahkmen Rymbui haba jubab ia ki jingkylli jong u Winnweson D Sangma u la ong ba ka sorkar kan dang bteng ia ka Inter State Border Area Development Scheme (ISBADS) kaba dei na ka state plan.
Haba ia dei bad ka jingkylli bynrap jong u bah Meralborn Syiem halor ki 23 tylli ki shnong kiba don hapoh Ri Bhoi na ka liang jong u myntri u la ong ba un sa shim khia ban peit ia kane kaba la wanrah da u MLA jong ka Nongpoh.
Haba ia dei bad ka Border Area Development ha khappud bad ka Bangladesh na ka liang jong u myntri u la ong ba ka sorkar ka bud ia kikyndon kiba la buh da ka tnad kam poh iing ka sorkar pdeng.
Haba ia dei bad kane na ka liang jong u nongialam ka liang pyrshah u Dr Mukul Sangma u la ong ba u myntri rangbah ka jylla u dei ban ia kren bad ka sorkar pdeng ha kaba ia dei bad kane ka kam bad lah ban ia kren lang bad kiwei ki jylla ruh ban ia kren bad ka sorkar pdeng namar ka Ri India ka dei ka Ri ha kaba ia ka jingsynshar ka long hapdeng ka sorkar pdeng bad ka sorkar jylla.
Haba ia dei bad kane ka bynta na ka liang jong u myntri u la iathuh hapoh ka iing dorbar ba ka sorkar kala ia kren bad ka sorkar pdeng ba ia ki skhim jong ka jylla dei ban peit ka sorkar jylla .
Haba ia dei bad ka jingmang skhim na ka ISBADS ia ka Dalu na ka liang jong u myntri u la ong ba yn sa peit ia kane lada kam dei happoh jong ka khappud hapdeng ka jylla Meghalaya bad Assam kin sa weng noh ia ka jingmang pisa.
