Shillong, Nohprah 08: U Myntri Rangbah ka jylla u Conrad K Sangma u la ong ba u la ioh pdiang ia ki kaiphot na ki ar tylli ki Regional Kommittee, ka West Khasi Hills bad Ri Bhoi District mynta ka sngi ha kaba ka sorkar ka dang hap ban pule ia ka kaitphot.
U Myntri Rangbah ka jylla u la ong ba kin sa pule bniah ia kine ki kaiphot bad ha dien ba la dep ban pule ynsa khot ia ka jingialang ia ki kynhun kiba dei ban ia kren ia kane ka kam ban ia mir jingmut.
U Myntri rangbah u ai khubklei ia ki kynhun jong ki regional committee bad ia ki shongknor kiba la trei shitom ban pyndep ia kane ka kam da kaba leit sha ki jaka sha ki nongkyndong bad kane ka dei ka jingleh kaba nyngkong ba ka sorkar ka kalah ban iaid sha khmat.
Ha dien kane na ka liang jong ka sorkar ynda la dep ban ia pynbeit hapoh ka jylla ynsa rah sha ka jingiakren bad ka jylla Assam ban ia kren ha kaba ia dei bad u pud u sam ban ia pynbeit ia kane ka jingeh kaba la sah teng la bun bun snem.