Shillong, Jymmang 09: U bah Prestone Tynsong symbut myntri rangbah ka jylla mynta ka sngi u la ong ba ka sorkar kan sa pynjari ia ka korphiew miet ha baroh shilynter jong ka khappud bad ka Bangladesh.
Haba jubab ia ka jingkylli hato ka sorkar kan pyntrei kam ne ia ka korphiew miet ha khappud bad ka Bangladesh namar ka don ka jingiarung ia mih hapdeng ki briew kiba don ha khappud. Haba jubab ia kane ka jingkylli u symbut myntri rangbah u la ong ba ka sorkar kala ia kren ia kane bad shen kin sa pynjari ia ka korphiew miet san kilometre na zero point.
Ka jingkwah jong ka sorkar ban pynjari ia kane ka korphiew miet ha khappud ka long ban ia da na ka khlam COVID-19 namar ba ka ri Bangladesh ruh haka shah ktah ha kane ka jingpang ban iada ia ki paidbah nongshong shnong ha khappud ka sorkar kan sa pynjari ia ka korphiew miet ha khappud bad ka Bangladesh.
Lah ban pynkynmaw ba u SDO jong ka Pynursla u la dep ban pynjari ia ka korpheiw meit hapoh ka jingpeit ka jong u bad kane ka long ha khappud san kilometre na zero point ha baroh shilynter kiba hap hapoh ka Pynursla Civil Sub Division.
