Shillong, Nailur 28: U Myntri rangbah ka jylla u Cornad K Sangma mynta ka sngi u la ong ba ka sorkar kan sa pyntip mano ban long “Chief Secretary” ba thymmai ka jylla Meghalaya.
U Chief secretary ba mynta u M.S Rao u la dep ban kynjoh ia ka rta 60 snem ha kaba u la dei ban shong thiat na ka kam, haba ia dei bad u Chief Secretary ba thymmai ka sorkar kan sa pyntip, la ong u Myntri Rangbah ka jylla.
Haba ia dei bad ki kyndon ba hap ban bud ha ka por ba lang ka ilekshon, u myntri rangbah ka jylla u la ong ba ki don ap ia ka jingbthah jong na ka Election Commission jong ka Ri India bad ynda la ioh kin sa tip ia kita ki kyndon, la ong u mytnri rangbah ka jylla u Cornad K Sangma.
Haba iadei bad ka jingialang jong ka Kabinet kaba la ong mynta ka sngi, u mytnri rangbah ka jylla u la ong ba um kwah ban kren ei ei namar kala don kane ka jingpynbna ia ka ilekshon shiteng samoi haki lai tylli ki Assembly Konstitwensi ha kane ka jylla Meghalaya.
Ka Ilekshon kan long h ki ar tylli ki District ha ka jylla Meghalaya, ha East Khasi Hills District bad West Garo Hills District, hynrei u myntri rangbah u la ong ba um kwah ban kren namar um kwah ban don kano kano ka jingia tyngkhih bad ka Election Commission jong ka Ri India.
Haba ia dei bad ki kyrtong kiba ia khun ia ka ilekshon u Myntri rangbah ka jylla u ba dei u National President ka NPP, u la ong ba un nym kren ei ei ia kane ka phang namar kam dei kaja ba un kren bad ia kita ki kam dei u president ka jylla.
