Shillong, Rymphang 21: U Symbut myntri Rangbah ka jylla u bah Sniawbhalang Dhar ba dei peit ia ka tnad Karkhana ha ba jubab ia ka jingkylli u bah Ardent Miller Basaiawmoit ha kaba ia dei bad ka Mawmluh Cherra Cement Limited, la ong ba mynta ka dang don ha jingpeit bniah jong ka sorkar ban khangkhyrdep noh ia ka.
La iathuh hapoh ka iing dorbar ba ki nongtei kiba don hapoh jong ka MCCL ki don 278 ngut baroh, ka sorkar ka siew shiteng ka tulop jong ki nongtrei nadu bala khang ia ka jingtreikam jong ka karkhana ha u snem 2020.
Haba jubab ia ki jingkylli bynrap la ong ba ia kane ka jingiakren kala long ruh ha ka kyrdan jong umyntri rangbah bad na ka liang jong u ruh u la khot ia ka ki jingialang bad la ong ba lada ka sorkar kan shim ia ka rai ruh kan long ba kannym ktah ia ki nongtrei ka MCCL.
Haba ia dei bad kane ka sorkar shen kan sa shim ia ka rai ynda la dep ban ia kynduh bad kito baroh kiba don bynta ha kane ka kam ba ia de bad ka karkhana dewbilat ka MCCL, ka sorkar kan nym shim kano kano ka rai ban ktah ia ki nongtrei.
Ka MCCL ha kaba nyngkong ka pynmih ia ka dewbilat ia kaba la tip kum ka Wet fed bad dei ha u snem 2006 la pynkylla ia ka sha ka Dry Fed, hynrei na ka ki jingeh la khang ia kane ka karkhana ha u snem 2020.
