Shillong, Jymmang 24: U nongialamka liang pyrshah ka iing dorbar thawain ka jylla Meghalaya u Dr. Mukul Sangma mynta ka sngi u la ong haba u iohi ia kaei kaba jia lyngba ki Bideo ba ki paidbahha Malangona ki shah pyndik ha ki pulit Assam ka long kaei kaba kaba ym lah ban pdiang.
Haba kren ha ki lat pathai khubor u Dr. Mukul la ong ba ka dei ka kamram jong ka jylla Meghalaya bad Assam ba kin khot ia ka jingakren ban weng ia kine ki jingeh ba pynthikna ba ki paidbah kim dei ban shah pyntreim ha ki bor jong ka ain.
La ong ba kam dei ban don kano kano ka jingpyntrien ia ki paidbah ban wanrah ia ka jingshong syier ha kit ki shnong kiba jia hakhappud ha pdeng ka jylla Meghalaya bad Assam, ban pynneh ia ka jignshong suk ka dei ka kamram jong ki ar tylli ki jylla ba kin peit ban don ka jingshong suk.
Dr. Mukul ba dei ruh u myntri ranbah barim ka jylla la ong ba ha u snem 2010 kala don ka jingiamynjur lang ba baroh ar liang ki sorkar ban pynthikna ba kan nym don ka jingpyndil ia ki paidbah ki ar tylli ki jylla ba shong bas ah ha khappud la ka dei na Meghalaya ne Assam ba ki briew kiba sah ha ki jaka ba don ka jingiakam mar kylliang kins hong suk.
Kaei kaba la jia mynnin ka sngi ka sorkar Meghalaya ka dei ban shim khia namar kaei kaba jia ka long pyrshah ia ki rit paidbah, ka jingkren khlem akor ia ki kynthei, bad ka jingpynkhein ia ka hok long briew, katei ka jingjia ka long ban wanrah ia ka jingshong syier ha ki paidbah, u la ong ba u pynrem jur ia kane ka jingleh ki pulit Assam.
