New Delhi, Iaiong 26: U myntri ka sorkar pdeng u ba deipeit ia ka pla pisa u Arun Jaitley u la ong ba ka sorkar pdeng kam shym don kano kano ka jngshim khajna ia ka jingioh kaba dei na ka rep ka riang.
U la ong “ Nga la pule ia ka kaiphot jong ka Niti Aayog kaba ong ka khajana ia ka jingioh na ka rep ka riang”. Ban pynbeit ia ka jingsngewthuh bakla, ka sorkar pdeng kam don jingthmu ei ei ban shim khajana ia ka jingioh na ka rep ka riang. Katkum ka Riti synshar ka sorkar pdeng kam don bor ban shim khajana ia ka jingioh na ka rep.
Haba ia dei bad kane ka juh ka phang na ka liang jong ka NITI Aayog kam shym don kum kata ka jingai jingmut haka kaiphot ba kala ai ha ka 23 tarik mynta u bnai sha ka sorkar pdeng, ia kane la pynsngew da u wei na ki dkhot u Bibek Debroy bad kane ka dei tang ka jingsngew jong u shimet ym jong ka NITI Aayog.
