Shillong, Nohprah 06: U myntri rangbah jong ka jylla u Dr Mukul Sangma haba kren ha ka jingpynkup burom jong ka seng All Meghalaya Adhoc Teachers Association kaba long ruh ka jingiakynduh kaba shisien shisnem jong ki nonghikai ha St Jerome Hr Sec School, Nongmynsong, u la ong ba ka sorkar kan wad ki lad ki lynti kumno ban pynlong ia ka jylla Meghalaya ka pdeng jong ka jingpule ha kane ka Ri.
Haba sha ki nonghikai u myntri rangbah u la ong ba ki don shibun ki jingha ka jingiapyrshah kiew ha ki kyrdan kiba kham shajrong, u khot u wer ia baroh ban ai ia ki khun ki kti ia ka jingnang jingstad bad ban kyrshah ia ki ban lait na kine ki jingeh.
U la ong ba kine ki khun samla kiba mynta ki dang dei ka kynhun kaba nyngkong kaba kim shym la ioh ia ka jinghikai kaba biang na ki long iing long sem bad kane ka kdew shai namar ka jylla kam pat lah ban ioh ia ka jingdon jong ki briew ba la nang thoh nangpule 100 percent. Ka dei ka kamram jong u wei pa u wei ban pynlong ia ki khun ba kin jop ha ka jingpule ka jong ki.
U la ia ruh ka jingiaroh ia ka jingtrei shitom jong ki nonghikai ha ki kyrdan bapher bapher ba ban iai shah ia ki jingeh baroh ha kiba bun liang bad hapdeng kine ki jingeh kaba ki ia kynduh ki nonghikai ki dei ban wad ki lad ki lynti kumno ban btin lynti ia ki khun samla kiba ieh na ki skul bad ki koleje.
La ong ba dei ban hikai ia ki khun samla kumno ban kin wad ia ka htong kajong ki katkum ka jingsngewthuh bad ka sap ka phang kaba ki don bad ki nonghikai kidei ban wad ia ka lad ka lynti kumno ban leh ia kane ka kam kaba kongsan .
Ha kane ka sngi ka myntri ba dei peit ia ki skul rit ka Debora Marah ruk kala ia don lang, ha kane ka la ong ba ka sorkar kala shim ia ki lad ki lynti ban kyntiew ia ka tulop jong ki nonghikai, na ka liang jong ka kong B Kharumnuid, President, All Meghalaya Adhoc Teachers Association kala ai ia ka dorkhas sha ka u myntri rangbah ka jylla.
