Jowai, Lber 16: Ka spah kamlong kaba sniew ka long ka jiniarap ia ngi bad ka Ri hi baroh kawei lada ngim pyndon kam bakla iaka .kaba shepteng ka long ba ngi thaw ia ki lad ia ki lynti daki bomdei tang naka bynta ba ngi ioh spah. Ka sorkar ka ai shibun ki scheme bapher bapher ki ban iarap ia u paitbah kum ba ngi la iohi lyngba ki lad pathai khubor la ong u Rev.T.Mukhim katba ha ki juh ki lad pathai khubor ngi la iohi ba la don shibun ki bala pyndonkam bakla ia ka hok u Paitbah.
La ioh sngew ruh ba haka por Election ladon ruh ki kato katne kiba pyndon kam daka pisa tang baioh ia ka wei ka Vote ,tang ba ngi klet noh ia ka jinglong Khristan ka jong ngi na kata ka daw ka bamsap ka jyllei bha haka ne ka Ri ka jong ngi.ka jingwad spah lyngba ka lynti kabymdei ka long ka bym iahap bad ka jinglong Khristan ka jong ngi la ong u Rev.T Mukhim ha ka khubor ka jong u sha ki paid khristan kiba wan sha ka jingiaseng Synod kaba long mynta kasngi ha ka Balang Presbyterian Mynsoo. Bad u la ialap shushuh lyngba ka ktienn ka jong u Blei.
Daki phew hajar ngut tuid u paibah sha ka jing iaseng KJP Synod Mihngi kaba 12 kaba long ha ka balang Presbyterian Mynsoo District Mynsoo Shangpung Presbytery kaba la sdang nadu ka ne ka13 tarik Lber bad kaba kut mynta ka sngi 16 tarik Lber ka Subject Synod mynta u snem ka long “To iaineh haka Jinglong kawei (Eph:4:13) kat ba ka Subject balang pat ka long “Kaba tip kaba iohi bad kaba iohsngew ia ka jingud ki jingpynlong u Blei (Rom8:22) ia kane ka jing iaseng la pyniaid dau Moderator ka Synod Mihngi u Rev.P.Surong haka por 10:30 mynstep lasam ia ka khubor naka kten jong u Blei dau Rev D.R.S.Nongdspung pule bad duwai dau Rev P. Myrchiang bad laioh ruh ia ki jing rwai na ka Choir jong ka Balang Presbyterian Shangpung, Balang Presbyterian Umphyrnai, Balang Presbyterian Sutnga bad ka Balang Presbyterian Nongthymmai.
Katba ha jingiaseng paitbah kaba long haka por 1:30 janmied la sam iaka khubor naka kten jong u Blei da u Rev. T.Mukhim pule bad duwai da u Rev.KL Tynsong Ha kane ka jing iaseng ruh laioh ia ki jingrwai na ki choir jong ka Balang Presbyterian Mynsoo, Balang Presbyterian Laban Standing Choir Shangpung bad Standing Choir KJP Synod Mihngi.ia kane ka jingiaseng lawan sakih ruh da ki nongmih khmat kum u ma V.H.Pala MP Lok sabha, Hopeful Bamon MLA bad la iodon lang ruh u bah P.S.Dkhar DC West Jaintia Hills bad u ma H.G.Lyngdoh SP West Jaintia Hills District.(SP News)
