New Delhi, Nohprah 11: Ki startup ki la kylla sha ka kor jong ka jingkhie im biang ka ioh ka kot lyngba ki jingsaindur thymmai, ka jingiadei biang, bad ka roi ka par ha ryngkat ka jingtei ia ka lawei ha ka jingiadei bad ki jingdonkam bad ki jingngeit ba dang kylla jong ki ri.
Ka ioh ka kot na ki startup ha satlak ka pyrthei ka long kumba $3 trillion na baroh ka ioh ka kot ha satlak ka pyrthei kaba long ~$90 trillion bad ka dei kaba dang kiewwutwut.
Ka bynta jong ki startup ha ka jingwanrah ia ki jingsaindur thymmai kiba peit ia ki jingkylla kiba wan ha baroh kawei ka pyrthei ka dei kaba paw shai ha ka por jong ka khlam, ha kaba ki la pyllait im ia ki briew bad ialam lynti sha ka ioh ka kot kaba don jingim.
Ki startup ki wanrah ia ki rynsan bad ki atiar ban kyntiew ia ka jingiatreilang bad ka jingsaindur thymmai kiba jam ia u pud u sam bad ki iarap ia ki ri ba kin kot sha ki thong Sustainable Development Goals.
Kumta, ki don ka bynta kaba khraw ha kylleng ka pyrthei ha kaba iadei bad ka jingplielad ioh kam, ka jingkiew ki kam teknoloji, ka roi ka par kaba jrong samoi, bad ka jingpynbeit ia ki jingeh kiba khraw.
Ka Startup-20 Engagement Group, kaba la sdang hapoh ka G20 presidency jong ka India ha u snem 2023, ka thmu ban wanrah ia ka jinglong ha kylleng ka pyrthei ban kyrshan ia ki startup bad ban wanrah ia ki jingiahap hapdeng ki startup, ki kompani, ki nongbei tyngka.
Ki kynhun saindur thymmai bad kiwei kiwei kiba don bynta ha kane ka kam. Ki kam startup ha India mynta ki long kiba lai ha ka jingheh ha baroh kawei ka pyrthei ha kaba don 107 tylli ki unicorn, palat 83,000 tylli ki startup bym pat ioh jingithuh, bad ki kam saindur thymmai kiba dang kham iar ban ai jingkyrshan ia ki.
Lyngba ka Startup-20 Engagement Group ba la sdang thymmai, ka India ka thmu ban iarap ia ka pyrthei ba kan ioh ia ki rukom treikam ban ai jingkyrshan ia ki startup ba saindur thymmai lyngba ka jingiatreilang ki ri G20.
Katba baroh ki ri G20 ki dang thaw ia ki kam startup hapoh ri, kane ka kynhun kan iatrei lang ban plie lad ia ki rukom bei tyngka ia ki startup bad wanrah ia ka jingiaid beit bad ka jingsaindur lang, khamtam ha ki kam kiba long kongsan ha satlak ka pyrthei.
Na ka bynta u snem ba nyngkong jong kane ka Engagement Group, ka India ka donlai tylli ki rishot kiba iahap lang ia baroh, Ka jingwanrahia ki jingiatreilang, Ki don shibun ki jingbatai shaphang ki starup bad ki kam ba ki trei ha ki ri g20, lyngba u rishotubanyngkong, yn peit ia kine ki jingbatai ban pynkhreh ia ka Handbook for Startups ban pynskhem ia ka jingtei ia ka Startup20.
Shuh shuh, hapoh une u rishot la thmu ban wanrah ia ki rukom treikam bad pynshlur ia ki jingiatreilang hapdeng ki ri ban plie lad ia ki kynhun iatreilang hapdeng kito kiba don bynta ha ki kam startup jong ki ri G20.
Ka tyngka, U rishot ba ar un peit bniah ia ki polisi bad ki rukom treikam ban pynsuk ia ka jingbei tyngka bad ban wanrah ia ka jinglong jingman kaba plie lad da kaba wanrah ia ki rynsan bad ki lad tyrwa kam.
Ka jingiadon bynta lang bad ka jinglahiaineh, U rishotubalai un peit ia ka jingtei ia ki rukom treikam ban pynstet ia ka jigpyndap ki startup ia ki jaka ba suda ha ka jingkot sha ki thong SDG lane ki kynhun kiba donkam ka jingpeit bniah ban iadon bynta lang (kum ki longkmie ba seng kam lajong, ki briew kiba don jingduna ha ki dkhot met) – ha ki kam kiba iahap ia baroh ki ri.
Ka Startup 20 ka thmu ban pynlong ia ki prokram bad ki session ban kot sha ka kam ba la thmu ban kyntiew ia ki kam startup ha ki ri G20. Kine ki kam kin long ha hynriew tylli ki prokram, ki ban sdang ha ka 28 tarik u Kyllalyngkot, 2023 (ha Hyderabad) bad ka Summit ha ka 3 tarik u Naitung 2023 (ha Gurugram).
Ki don shibun ki prokram ban long ha ki jaka bapher bapher jong ka India ruh. Shuh shuh, la thmu ban don ka jingpyniia ki kam starup ka India sha baroh kawei ka pyrthei.
Lyngba kane ka Engagement group, yn shim ia ki jingai jingmut na ki ri G20 ba la pdiang lang bad yn pyni ia kine. Shuh shuh, yn don ki jingthoh shaphang ki kyndon treikam, ki rukom treikam kiba biang tam.
Ki kyndon treikam, bad ki jingai jingmut kiba wan na kine ki jingiamir jingmut bad yn pyni ia kine. Shuh shuh, ka India ka thmu ruh ban wanrah ia ka ‘Global Innovation Hub’ kaba lah ban kyrshan ia kum kine ki kam bad ki jingioh na kine ki jingiamir jingmut.
Lyngba ka G20 presidency, ka India ka thmu ban wanrah sha ka pyrthei ka jingngeit ha ‘Kawei ka Pyrthei, Kawei ka Longiing, Kawei ka Lawei. Ha kaba iadei bad kane, ka Startup 20 Engagement Group ka thmu ban wanrah bad kyrshan ia ka jinglong ha kylleng ka pyrthei kaba kyrshan ia ki startup bad kaba pynlong ia ki kum shi bynta jong ka lawei jong ngi lyngba ka jingiashim bynta kaba bun bynta bad kaba pdiang ia kiwei, kane la thoh da u Dr.Chintan Vaishnav.
