Shillong, Naitung 30: U Deputy Chief Minister jong ka jylla u bah Prestone Tynsong, u la pyntip ba ka iaka “State Funeral” ban leh burom khatduh ia u Dr Donkupar Roy speaker jong ka iing dorbar thawain ka jylla kan long la shai ka sngi ha Madan Mawpun, ha Sohra.
Haba kren ha ki lad pathai khubor ha dien ba la kut ka jingiashong cabinet kaba kyrpang mynta ka sngi, u Bah Prestone u la iathuh ba ka jingle burom na ka liang jong ka sorkar ia kaba la tip kum ka state funeral kan long ha madan Mawpun ha Sohra bad kan sdang ha ka por 12.00 pdeng sngi.
Ha ka jingialang jong ka cabinet kaba la long mynta ka miet kila shim ia ka rai ba ka sorkar kan phah ia ka khubor sngewlem sha kiba ha iing ha sem ia kaba ynsa aiti ia kane ka khubor sngewlem na ka liang jong ka sorkar. Ka jingkhlad noh jong u Dr Donkupar Roy ka long ka jingduh kaba khraw ia ka jylla.
