Shillong, Naiwieng 18: Ki phra tylli ki jylla ka thain shateilammihngi ki dei kiba la kyrkhu da ka jingitynnad ka mariang, ki mrad bad ki jingthung kiba bun, ki jaka kiba kyrpang ha ka histori, kiba don ka deiriti bad ki dustur kiba kyrpang bad kiba don ruh ia ki briew kiba pdiang kylluidmynsiem ia kiwei.
Ka thain ka don ki lad na ka bynta ki kam jngohkai kiba iadei bad ki mrad, ki kam thung slasha bad ka jinglehkai golf, ka kam jngohkai ha ki wah, ki kam jngohkai kiba iadei bad ka niam, ka deiriti bad ki mar bam ba pher.
Ki kam jngohkai ban pynbyrnia,ki kam jngohkai kiba iadei bad ki kam rep ha ki jaka nongkyndong bad ruh ki jaka ba bun ki bapher bapher. Ka thain shateilammihngi ka don ia ki jaka kyrpang ia ki mrad kum ka Kaziranga National Park kaba pawnam namar ka jingdon ki kyndat.
Ka wahBrahmaputra ka tuid lyngba ka Assam ha kaba ki nongjngohkai ki lah ban leit shong lieng bad ki wah ka Arunachal Pradesh kiba tuid sha ka Brahmaputra ki plie lad ia ki kam white water rafting. Ka thain ka don shibun ki jingkhring ia ki nongjngohkai. Man ka jylla ka don la kajong ka jinglong kyrpang bad ruh ki lad ban don ka roi ka par ha ki kam jngohkai.
Kine ki dei ki mat ba la pyni shai ha ka sngi kaba ar jong ka International Tourism Mart 2022 haAizawl.Ka thong jong ka ITM 2022 ka dei ban pyni ia ki lad kiba don ha ki kam jngohkai ha ka thain shateilammihngi na ka bynta ki briew ka ri bad kito kiba nabar ri.
Ka sngi ba ar jong ka ITM ka la don ki jingpyni da ki jylla ka thain shateilammihngi shaphang ki lad ha ki kam jngohkai ha ryngkat ki jingpyniia ka deiriti, ka jingleit sha ki jaka ba itynnad hapoh bad hajan ka Aizawl.
Ka la don ruh ka jingialang B2B ha kaba ki nongthiedna ki thain bapher bapher jong ka ri ki la iakynduhmarkhmat bad ki nongdie na ka thain shateilammihngi. Ka la don ruh ka jingpyni ia ki mar shna kti bad ki jain ban pyni ia ki mar kiba iadei bad ka kam jngohkai jong ki jylla ba la iashim bynta ha kane ka prokram.
Ha kane ka jingpyni ia ki lad, la ban jur bha ba ki don shibun ki kam jngohkai ha ka thain shateilammihngikiba iadei bad ki mrad, ki kam thung slasha bad ka jinglehkai golf, ka kam jngohkai ha ki wah, ki kam jngohkai kiba iadei bad ka niam.
Ka deiriti bad ki mar bam ba pher, ki kam jngohkai ban pynbyrnia,ki kam jngohkai kiba iadei bad ki kam rep ha ki jaka nongkyndong bad ruh ki jaka ba bun ki bapher bapher. Ka Assam shenkan sdang ia la ka polisi kaba iadei bad ki kam jngohkai bad kane kan iarap ban kyntiew ia kine ki kam ha kane ka jylla.
Ha kane ka sngi, u Secretary ka tnat Tourism, u Arvind Singh u la ong ba ka jingiaineh ka dei kaba la peit bha na ka bynta ki kam ka leit ka wan, ki kam jngohkai bad ki kam pdiang briew mynta la katto katne por, hynrei mynta ka la kham donkam shuh shuh namar ka khlam.
Ka jingdawa ban don ki kam jngohkai bym ktah ia ka mariang ka dang kiew namar ki briew mynta ki la kham peit bha ia ka jingktah ia ka mariang bad ki dang wad ia ki lad kiba lah ban iaineh.
Ka Sorkar India mynta ka ieng skhem ban kyntiew ia ki kam jngohkai bym ktah ia ka mariang. Kine ki jait kam jngohkai ki don lad ban kyntiew ia ka ioh ka kot ha ki jaka ba long kine ki kam bad ki pynduna ruh ia ka jingktah ia ka mariang bad ka imlang sahlang.
Ha ka jingai jingkren jong ka, ka Principal Secretary, ka tnat Tourism jong ka Sorkar Mizoram, ka ManishaSaxenaka la ong ba ka Mizoram ka la pawnam naduh mynshuwa namar ki lad kiba don ha ki kam jngohkaimanar ka jingitynnad ka jaka, ki lum kiba jyrngam bad ki lum ki them kiba bun.
90% ka jaka jong ka Mizoram ka dei kaba tap da ki khlawbad ka suinbneng ka long ka bym shit ne khriat palat bad kane ka khring bha ia ki nongjngohkai. Ki don shibun ki lad na ka bynta ki kam jngohkai kiba iadei bad ka mariang bad ki kam jngohkai kiba iadei bad ka jingpynbyrnia. Ka Mizoram ka dei ka Jylla kaba kmen tam jong ka India katkum ka kaiphodIndia Happiness Report, 2020.
Ka jingdon ki briew ba nang ban thoh ban tar ka long 91.33 bad ha kane ka long kaba lai ha ka ri. Ki don shibun ki jaka bym pat paw kiba lah ban khringbha ia ki nongjngohkai. Ka Thenzawlka don ha ka distrikSerchhip, hapdeng ka jylla Mizoram, kaba jngai kumba 112 kmnaAizawl.
Ka Thenzawlka don ki lad ha ki kam jngohkai kiba iadei bad ka mariang, ka jingim ha ki jaka nongkyndong, ka jingitynnad ka jaka, ka deiriti bad ki jingpynbyrnia.
Ki la don katto katne ki jaka jngohkai kiba la mih ha kine ki snem ha Thenzawl, kaba long kawei na ar tylli ki Sub-Division jong ka distrikSerchhip. Ka jingkhring kaba kham paw jong ka Thenzawl, ka dei kaThenzawl Golf Course and Resort.
Kane ka jaka lehkai golf ka dei kaba la shna hapoh ka skhim SwadeshDarshan jong ka Sorkar India.Ka dei kawei na ki jaka lehkai golf ba biang tam ha ka thain shateilammihngi kaba don lut ki jingshakri katkum ka jingtbit jong ki nongialehkai.
Ka tnat Tourism jong ka Sorkar India ka dang pynlong ia ka bynta kaba 10 jong ka International Tourism Mart (ITM) na ka bynta ka thain shateilammihngi naduh ka 17 haduh 19 tarik u Naiwieng 2022 ha Aizawl, Mizoram.
Ki International Tourism Mart ki dei kiba pynlong ha ki jylla ka thain shateilammihngi da ka pali. Ka Mart kaba mynta ka dei kaba nyngkong ban long ha Mizoram. Kiwei kiwei ki bynta jong kane ka mart ki la ju long teng ha Guwahati, Tawang, Shillong, Gangtok, Agartala, Imphalbad Kohima.
