Shillong, Jylliew 27: U Assistant Inspector General k
i pulit ka jylla Meghalaya u bah Vivek Syiem IPS, ka jingiakren ha ka jingialang bala pynlong da ka Press Information Bureau, Shillong haba ia dei bad ka jingpyntrei kam ia ki lai tylli ki ain ha kaba ia dei bad ki ain ban ia leh pyrshah ia ki jingsniew ki ban sa trei kam naduh ka 1/Naitung/2024.
Haba ia phai ha ka jingpynkynkhreh ka tand pulit ka jylla Meghalaya la ong ba kila dep ban ai jinghikai ia ki 2000 ngut ki ophisar ha kaba ia dei bad kine ki ain kiba thymmai, la ong ba kam dei eh kaba thymmai namar bun na ki kyndon kila don lypa ka jingiapher mynta ka long ba ki pulit kila kham khia ka kam.
Shuwa kata kala don ka jingkren haba ia dei bad kine ki lai tylli ki ain ka, Bharatiya Nagarik Suraksha Sanhita (BNSS) 2023, Bharatiya Nyaya Sanhita (BNS) 2023 bad ka Bharatiya Sakshya Adhiniyam (BSA) 2023, la kren ban pynshai da u Deputy Inspector General ki pulit u Davis N R Marak ha kaba u la batai sha ha kaba ia dei bad kine ki ain.
La ong baki ain kiba la shna da ki phareng kiba la pyntrei kam haba la ioh ia ka jinglaitluid ki kham kren ha kaba ia dei bad ka jingpynshitom ia k nongleh kam sniew katba kine ki ain kiba thymmai ki phai kumno ban pynioh ia ka hik jong ki paidbah nongshong shnong.
Ha ka jingkren u Khalid Khan Additional Advocate Genenral ka sorkar Meghalaya, la ong ba da kaba pyntrei kam ia kine ki ain ha kaba sdang kan don ka jingeh ia baroh kiba don ha kane ka kam, ki nongbishar, ki Muktiar bad ki pulit, hynrei kane ka long tang shipor katba dang iaid ka por kan iaid beit.
U bah Debu Lyngdoh Joint Secretary ka tnad ain ak sorkar jylla bad u Dr. Ravi Kant Mishra Associate Professor ka NEHU ka department Law. Kila pynshai ha kaba ia dei bad kine ki ai thymmai, ia ka jingiakren la pyniaid da u Ratul Baruah, ia ka jingkren pdiang snewbha la kren da u Gopajit Das MCO ka PIB Shillong.
