Shillong, Nailur 21: Ka ophis jong ka tnad shangsuwari ka sorkar pdeng kaba don ha Shillong ha ka jingiatrei ryngkat bad ka Lady’s Keane College, mynta ka sngi ka la pynlong da ka awareness programme ha kaba ki khynnah pule jong ka Lady’s Keane College ki la leit ban tam ia ki jaboh jabaiñ dakaba ki la sdang na polo club ter ter ka surok lyngba ka Golf links.
Ka kong Parijat Baruah kaba dei kum ka Tourist Information, ka la iathuh kane ka jingpynlong ia kane ka programme mynta ka sngi ka dei kum shi bynta ban rakhe ia ka Swachhta Pakhwada ha ka jingrakhe ia ka World Tursim Day kaba dei naduh ka 16 tarik September bad kut haduh ka 30tarik September.
Ka Parijat Baruah ka la ong ba ka jingpyrshang jong ka Sorkar ka long ban pynsngewthuh ia ki khynnah ia ka jingdonkam ka khuid ka suba, ha kaba haba iadei bad kane la leh kumne ha ki bynta ba pher ba pher jong ka jylla Meghalaya
Ha kane ka sngi la wan ban ai awareness lane jinghikai ka kong Palvy Dora Kharkungor, IEC specialist Swachhta Mission u bah Manik ba la ju leh ia ka programme jong u ka kaba la ju tip kum ka My shillong, my pride.
