Shillong, Rymphang 08: Ka kynhun United Democratic Forum (UDF) ka lah ban leit ban ujor pyrshah ia ka jingpynjari jong u lat ka jylla ia ka synshar Adminstrator hapoh jong ka Khasi Hills Autonomous District Council (KHADC).
Kat kum ki thymmei khubor kiba u SP News Agency u la ioh na katei ka kynhun UDF kaba la shah sloit ia ka bor synshar hapoh jong ka KHADC da ka jingpynjari ia ka synshar Administrator kila pynkhreh mynta ban ujor sha iing bishar.
Ki thymmei khubor ki iathuh ba kaba sah mynta kin dang hap ban twad jingmut bha kin leit ban ujor sha High Court lane kin leit sha Supreme Court, ia kane ka rai kin sa shim noh shen, la sngewthuh ba kin sa ai ia ka jingujor sha iing bishar ha ka sngi nyngkong.
