Shillong, Rymphang 15: U bah Metbah Lyngdoh President ka Party UDP u la ong ba ha kane ka kynti kan jop ha ka MDC elekshon ka ban sa long ha GHADC ha u bnai Iaiong 2021.
Haba kren ha ki lat pathai khubor u la ong ba u la leit ban kynduh ia ki nongtrei ka party ha West Garo Hills bad ha East Garo Hills bad ka don ka jingkyrmen ba kin sa jop ha kane ka kynti kaba mynta.
La iathuh kumba ka long mynta la dep ban pynbna lai ngut ki kyrtong na ki lai tylli ki Konstitwensi bad ka party ka dang khot applikoshon da dang don kiba kwah ban ia khun ia ka elekshon MDC na ka party UDP bad ka jingpdiang ia ki applikoshon kan long haduh 23/2/2021.
Na ka liang ka party kala dep ban thaw ia ka kommittee ba ksn pynkhreh ia ka kular elekshon sha ka iing dorbar jong ka GHADC.
