Shillong, Nohprah 05: Ha ka sienjam ban don ka jingiadei kaba kham jan bad ki briew jong ka ri, ka Sorkar ka la sdang ia ka jingiaid lynti sha ka ri kaba la kiewshaphrang lyngba ka Viksit Bharat SankalpYatra.
Ka jingiaid lynti kaba wanrah jingkylla kaba pyni ia ka jingieng skhem ka Sorkar na ka bynta ka bha ka miat jong ki briew ka ri kaba poi sha baroh wat ha ki jaka ba jynjar duh ban poi ruh.
Ka Viksit Bharat SankalpYatra kam dei tang ka prokram, ka dei ka jingpyrshanglang jong baroh kaba wanrah lang ia ki tnat Sorkar. Kane ka sienjam ka treikam ha baroh ki jylla, bad ka long kaba seisoh ha baroh ki bynta jong ka ri.
Ha ka sienjam na ka bynta ka bha ka miat kaba pura ia ki briew jong ka ri, la pynlong ia ka Health Screening ha ryngkat bad kiwei kiwei ki jingai jingshakri kum shi bynta ka Viksit Bharat SankalpYatra ha Garikhana hanongbah Shillong mynta ka step.
Ia kane ka prokram la pynlong da ka jingthmu ban pynpoi ia ki skhim Sorkar, ka jingpynthikna ia ka jingpyndonkam pura ia ki, bad ka jingpynpoi ia ki jingmyntoi sha ki briew ha kylleng ka jylla Meghalaya bad ruh ha ka ri baroh kawei.
Ka Viksit Bharat SankalpYatra ka dei ka dak jong ka jingthmu kaba kham heh ban pynthikna ka jingkyntiew ia ka imlang sahlang bad ka ioh ka kot kaba thmu ban poi sha baroh ki jaka bad ban wanrah ia ka jingurlong jong ki sienjam ka Sorkar ha baroh ki bynta jong ka jylla.
Da kaba pynlong ia kine ki spot health screening, ka jingsam ia ki Ayushman Card, ka jingpynthymmai ia ki jingtip halor ka Aadhar bad ka jingai jingkyrshan ia ki nongdie jingdie harud surok lyngba ka PM-SVANidhi, kane ka sienjam ka iahap bad ka jingthmu ban wanrah ia ka jingplie lad ia baroh ki bynta ka imlang sahlang ba kin ioh ia ki jingshakri.
Ka nongioh jingmyntoi na ka PM-SVANidhi, ka Kong Please-Mary Dkhar, kaba long ka traidukan ka la ong ba ka skhim ka la iarap bha ia ka bad ka la long kaba suk bha ban ioh shim ram lyngba kane ka skhim.
Ka la iathuh ba lyngba kane ka skhim, ka la lah ban pynheh shuh shuhia ka dukan jong ka. Ka la ong ba ha ka bynta kaba nyngkong ka la ioh shim ram haduh T 10,000 ha ka sien kaba nyngkong bad ha ka sien kaba ar ka la ioh T 20,000.
Ka KongRobinaRyntathiang kaba die jingdie harud surok ka la ong ba ka la ioh ki jingmyntoi na ki skhim bapher bapher jong ka Sorkar. Ka la iathuh ba ka la ioh ia ka MGNREGA, MHIS- PMJAY card bad kiwei kiwei. Ka MHIS-PMJAY ka la iarap bha ia ka haba ka la hap leitshah sumar ha hospital, ka la ong.
Ki health check-up kiba ioh ei, ba kynthup ia ka TB screening, anaemia screening lyngba ka Yatra ki dei kiba ai jingkyrmen bad ai jingiarap bha. Kane ka yatra ka ai jingtip ia ki briew shaphang ki skhim bapher bapher jong ka Sorkar bad ki ioh jingtip ruh kumno ban kyntiew kyrteng ialade ban ioh ia ki jingmyntoi na kine ki skhim.
Ka Viksit Bharat SankalpYatra ka dei ka dak jong ka rukom treikam jong ka Sorkar kaba niewkoria ki briew jong ka ri. Kam dei tang ka jingai jingtip hynrei ka dei ruh ka dak jong ka jingiadon bynta lang bad ki briew kiba donkam jingiarap, ka jingpynbiang ia ki jingshakri sha kito kiba donkam tam ia kine.
Mynta, ka Viksit Bharat SankalpYatra ka dei kaba dang pyntreikam ha ki gram panchayat kiba don ha jylla Meghalaya ha baroh ki distrik bad ki jaka sor ka Shillong kumba long ha kylleng ka ri. La pynlong ia kum kine ki sienjam ha ka Viksit Bharat SankalpYatra camp ba la pynlong ha Laban Last Stop ha nongbahShillong mynta ka sngi.
